KAKAVIJE- Vijon fluksi i ardhjes së emigrantëve shqiptarë në vendlindje në pikat e kalimit kufitar me Greqinë.
 
Sipas të dhënave nga autoritetet doganore në Kakavijë gjatë 24 orëve të fundit kanë hyrë mbi 3 400 persona dhe rreth 800 automjete, ndërsa kanë dalë mbi 2 700 persona dhe 650 mjete.
 
Pala greke punon me 2 sportele në hyrje dhe 2 në dalje, ndërsa ajo shqiptare me 4 në hyrje dhe 4 në dalje.
 
Edhe në pikën kufitare të Kapshticës është shënuar fluks emigrantësh. Kanë hyrë mbi 2 700 persona dhe 650 mjete, si dhe kanë dalë 1 700 të tjerë me 520 mjete.
 
Pala shqiptare punon me 6 sportele 4 në hyrje dhe 2 në dalje. Ndërsa ajo greke me 3 të tilla.
 
Redaksia Online
(e.s/shqiptarja.com)