Emigrantët nga Lindja, Xhafaj: Duhet paketë financiare nga BE-ja për blindimin e kufijve

Kryeministri Edi Rama po zhvillon një vizitë në Austri, ndërsa gjatë takimit me homologun e tij në qendër të bisedës ishte blindimi i kufijve për të bllokuar emigrantët nga Lindja që përdorin Shqipërinë si korridor për të shkuar në Europë. Ndërsa që ditën e sotme, teksa Rama ndodhej në Vjenë, ministri i Brendshëm Xhafaj ka zhvilluar një bisedë telefonike me homologun e tij  Herbert Kickl, më kërkesë të këtij të fundit.

Ashtu si në takimin mes Ramës dhe Kurz dhe në bisedën telefonike mes dy ministrave të Brendshëm në qendër të bisedës ishte rritja e numrit të emigrantëve nga vendet e treta, të cilët kalojnë përmes vendeve të Ballkanit drejt vendeve të BE-së. Ministri Xhafaj duke vlerësuar këtë shqetësim, e njohu homologun austriak me masat e shtuara të Policisë së Shtetit, për menaxhimin dhe përballimin e kësaj situate, veçanërisht përgjatë vijës kufitare me Greqinë.

Pavarësisht masave të shtuara, vihet re një numër në rritje i emigrantëve që depërtojnë përgjatë kufirit me shtetin grek. Një pjesë e tyre kërkojnë azil, një pjesë sistemohen në Qendrat e Përkohshme të Pritjes, por qëllimi i tyre final mbetet rrugëtimi në vendet e BE-së.

Fatmir Xhafaj

Ministri Xhafaj e informoi homologun Kickl se Shqipëria do të bëjë të gjitha përpjekjet për të parandaluar këtë fenomen, megjithë burimet e pakta në dispozicion. Në këtë kontekst, nënshkrimi sa më shpejt i marrëveshjes së dakordësuar tashmë me FRONTEX, do të ketë një ndikim të posaçëm, shtoi ai.  Gjithashtu, ministri Xhafaj kërkoi që BE-ja të konsiderojë një paketë financiare, të domosdoshme për të mbështetur menaxhimin e kufijve në Ballkanin Perëndimor. Ministri Xhafaj i bëri me dije homologut të tij, se shumë shpejt do të paraqesë gjithë propozimet e palës shqiptare në një dokument të vetëm.

LEXO EDHE:
Rama në Podcast me 3 mësuese: Arsimi profesional, alternativë e sigurt për integrim në tregun e punës

Ministri Kickl, duke vlerësuar përpjekjet e palës shqiptare, e falënderoi ministrin Xhafaj për prezantimin e situatës dhe sugjeroi që këto çështje të jenë në rendin e ditës, në takimin rajonal që mbahet në Brdo të Sllovenisë, në fillim të qershorit.

Ministri Kickl sugjeroi që kjo të jetë temë e konferencës për Ballkanin Perëndimor që do të mbahet në shtator. Ai theksoi se ajo mbetet një projekt i rëndësishëm i Presidencës austriake të BE-së, në 6-mujorin e dytë të këtij viti. Sipas Ministrit të Brendshëm të Austrisë, kriza ka sjellë një farë tensioni, por ana pozitive e saj, janë përpjekjet e palës shqiptare për menaxhimin e kufijve, gjë për të cilën ai shprehu vlerësime.

Qeveria austriake është e vendosur të mbrojë kufijtë e saj dhe të shteteve të tjera.

Ministri Kickl

Në këtë aspekt, Ministri austriak theksoi nevojën e veprimeve të mirë-koordinuara mes shteteve. Ministri Xhafaj, nga ana e tij, ndau të njëjtin mendim me homologun dhe theksoi domosdoshmërinë për një takim të drejtuesve të kufirit të vendeve të rajonit, i cili të konkludonte në një plan operacional të përbashkët. Më pas, ai propozoi një takim të Ministrave të Ballkanit Perëndimor së bashku me Austrinë, Italinë dhe Slloveninë për të koordinuar politikisht përpjekjet në këtë drejtim. Dy bashkëbiseduesit ri-diskutuan propozimin e palës shqiptare, për ngritjen e Qendrës Rajonale të Bashkëpunimit Policor dhe Ndërkufitar, e cila do të trajtojë edhe këto çështje.

TAG:
• edi rama
• fatmir xhafaj
• Herbert Kickl
• trafiku i emigranteve nga lindja

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  24.5%

• Keq

  61.8%

• Nuk e di

  13.7%

Vota total: 2602

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di