“Shqipëria u tregua solidare me këtë vend Zoti Ministër, jo me ju. Shqipëria është një popull emigrantësh, është një popull bujar dhe mikpritës edhe pse ende i varfër. Por mbi të gjitha Shqipëria nuk harron ndihmat e shumta nga fqinjët e vet italianë. Ashtu siç nuk harron deklaratat tuaja përbuzëse si kjo e fotografisë më poshtë marrë nga faqja juaj e Facebook-ut. Apo frazat e dhunshme të shkruara jo shumë kohë më parë, nga mbështetësit tuaj, në muret e Lombardisë, si “Shqiptarët duhen varur”!
Oh jo, ne nuk harrojmë deklaratën e turpshme të deputetes tuaj (atëherë quheshit Liga e Veriut), asokohe Kryetare e Parlamentit italian, Irene Pivetti, e cila pa minimumin e druajtjes dhe ndjenjës, tha që SHQIPTARËT DUHESHIN HEDHUR NË DET! Dhe të hedhur në det ne përfunduam vërtetë vetëm pak ditë më pas: e kish emrin Katër i Radës ajo anija e vogël që u fundos në Otranto. U mbytën 81 shqiptarë e midis tyre fëmijë, gra, burra e të moshuar. I vunë emrin “Gjëma e të Premtes së Shenjtë” asaj tragjedie në 28 Mars 1997. Vajtuam nga veriu në jug për ata të vdekur, një vend i tërë mbajti zi. Por, më pas, anijet dhe skafet vazhduan gjithsesi të lundrojnë drejt Italisë sepse ishtë çështje mbijetese dhe ju Ministër e dini mirë, edhe pse bëni sikur s’dini! Ju bëni sikur s’e kuptoni pse njerëzit braktisin shtëpitë e tyre, për të ardhur drejt Europës, duke rrezikur jetën në det. Ju bëni gjoja Ministër, bëni gjoja në lidhje me shumë gjëra.
Edhe për faktin që, duke ju dëgjuar ju, problemet më të mëdha të këtij vendi duket sikur vijnë nga emigrantët dhe refugjatët. Nuk patëm kohën të na thahen lotët për viktimat e Xhenovas dhe Çivitës, se ja ku dolët ju me një vendim mizor (mbi anijen Diciotti e cila u bllokua në brigjet italiane me në bord refugjatët nga Eritrea të cilët po vuanin nga sëmundje të ndryshme në kushte higjenike të turpshme) për të na bërë të qajmë dhe turpërohemi për viktima të tjera; nuk arritëm të mbanim zi për ata të vdekur e të kuptonim diçka lidhur me rrëzimin e asaj ure, se ja ku na dolët ju me ankesat tuaja të zakonshme të cilat e drejtojnë gishtin vetëm nga emigrantët! Për të mos folur rreth shvendosjes së kapitaleve, për papunësinë, për Mafian, për degradimin social, për varfërinë në rritje, etj. Gjithçka mbetur në hije!
Sot del e thoni nëpër mitingje, ato ku fansat tuaj haharisen me sarkazmën tuaj të trishtë, se Shqipëria na qënkërkësh sjellë më mirë se Franca! Hajde o Ministër se e dimë shumë mirë që Francës nuk i bën as ngrohtë e as ftohtë një krahasim qesharak si ky. Dhe e dimë mirë të gjithë si e mendoni ju lidhur me komunitetin tonë: të ishte për ju dhe mbështetësit tuaj, ne shqiptarët nuk ishim ndihmuar atëherë dhe nuk do ishim të pranuar as sot.
Shqipëria, me këtë gjest, duke u pozicionuar qartë në krah me Italinë, u tregua mirënjohëse dhe bujare sepse ky vend e meriton dhe ky vend nuk përfaqësohet vetëm nga ju.
Mos e përdorni këtë gjest në favorin tuaj personal, mos na trajtoni si budallenj. Faleminderit!”
*Sonila Alushi jeton me familjen prej shume vitesh ne Bergamo, Itali. Ajo drejton fondacionin "Migra" dhe eshte aktiviste e mbrojtjes se te drejtave te emigranteve.
Komente
Lajme të tjera
-
Anija me emigrantë, Matteo Salvini 'i shpëton burgut'! Bien akuzat ndaj tij
21 Dhjetor, 17:59 -
‘U kap me 11 kg kokainë, Gjyqtari e liroi!’/ Shqiptari fut në ‘sherr’ politikën italiane, Salvini sulmon Drejtësinë, por e vërteta qëndron ndryshe
15 Nëntor, 16:21 -
Matteo Salvini: Nëse Trump ndal luftën në Ukrainë meriton Nobel për Paqen
9 Nëntor, 19:30 -
Të djathtët evropianë mbështesin Salvinin para vendimit gjyqësor për emigrantët
6 Tetor, 17:10 -
Transferimi i Studimeve Albanalogjike në Akademinë e Shkencave, rreth 100 profesorë Letër të Hapur qeverisë: Vendimi arbitrar dhe në dëm të ASAs
6 Qershor 2023, 11:55 -
Papa Françesku: Shtetet e BE-së duhet të ndajnë përgjegjësinë për emigrantët
7 Nëntor 2022, 21:25 -
Vetë italianët nuk janë të habitur
26 Shtator 2022, 19:56
-
Dy ditë para zgjedhjeve, Berlusconi heq dorë nga gara për President: Italia sot ka nevojë për unitet, përtej dallimit mazhorancë-opozitë
22 Janar 2022, 20:27 -
Matteo Salvini: Nuk dua që dikush të ndjekë djalin tim 18-vjeçar nga pas me një shiringë vaksine
18 Korrik 2021, 18:42 -
Ish liderët botërorë letër të hapur OKB-së: Të miratohet traktati për armët bërthamore
21 Shtator 2020, 13:15 -
Fotolajm/ Kreu i ekstremit të djathtë italian, Matteo Salvini me qeleshe shqiptare
23 Korrik 2020, 16:36 -
Covid/ Italia mund të zgjasë deri në 31 dhjetor Gjendjen e Jashtëzakonshme Shëndetësore
10 Korrik 2020, 15:20
Respekte
PërgjigjuGrazie.
PërgjigjuBravo Sonila qe I prishe pazaret KORRUPTIVE qe ka bere Rama me Salvinin Per mbylljen e dosjes Tahiri dhe Agron XHAFES per pranimin e 20 emigranteve afrikane
PërgjigjuGrazie!
PërgjigjuGrazie Sonila! La Puglia e Bari ricordano ancora tante sorelle e fratelli, la speranza nei loro volti. E ci avete ricordato i valori della solidarietà.
PërgjigjuGrazie, grazie veramente
Përgjigjudici bene: molti italiani amano l'Albania e la rispettano. E salvini non rappresente che una piccola parte dell'Italia, la sua parte peggiore.
PërgjigjuGrazie, l'Albania si dimostra più intelligente ed unmana di tanti italiani. Grazie ancosa. Un abbraccio a tutti gli albanesi. Milko
PërgjigjuTë lumtë , zonja Sonila Alushi, e meritonte një përgjigje të tillë dinjitoze Ministri i Brendshëm, Matteo Salvini, i cili, në fakt, nuk është ai që shfaqet sot, po është ai që poston deklarata përbuzëse ndaj shqiptarëve në faqen e vet të FACEBOOK-ut. Na bën krenarë me qëndrimin tënd, e nderuara Sonila.Ke treguar që ne shqiptarët jemi të varfër ekonomikisht, por jemi një popull me shpirt të madh, që dimë ta çmojmë mirësinë që na bëhet dhe të ndihmojmë edhe të tjerët kur ndodhen në vështirësi.
PërgjigjuBravo po ho vetem Salvinit..qe Prodi kur ndodhi Otranto.. Po qe sna japin qytetarin studenteve tane qe dal in shkelqyer dhe a ka me te integruar...e ad punojne per njimije euro? Shkrun te lumte dora moj bije..
Përgjigju