Një laborator që shërbente për prodhimin e dokumenteve të falsifikuara për jashtë shtetit është zbuluar në qytetin e Korçës.
Policia informoi sot (22 korrik 2023) se ka arrestuar tre persona si pjesëtarë të këtij grupi kriminal të cilët ofronin dokumente false për të udhëtuar në hapsirën SCHENGEN, Shba, Kanada, Angli kundrejt pagesës që varionin deri në 10 000 euro. Ata dyshohen se arrinin të falsifikonin edhe pasaporta amerikane, kanadeze apo të shteteve anëtare të BE-së
Të arrestuar janë Thanas Sholla, 60 vjeç dhe Besnik Dine, 52 vjeç dhe Artur Rakipi, 57 vjeç. Të tre ishin banorë të Korçës.
“Nga hetimet e kryera rezulton se këta shtetas në bashkëpunim mes tyre, kundrejt pagesave të konsiderueshme nga 300 euro deri në 10000 euro, prodhonin dhe ju shisnin personave të interesuar, shqiptarë dhe shtetas nga vendet e treta, dokumente shqiptare dhe të huaja, të falsifikuara, për të udhëtuar në hapsirën SCHENGEN, Shba, Kanada, Angli etj” informoi policia e Korçës.
Ktheu shtëpinë në laborator
Nga karta identiteti tek pasaporta amerikane, franceze, greke, gjermane, bullgare, apo leje qendrimi, leje drejtimi, diploma shkolle prodhoheshin false nga grupi kriminal në laboratorin që kishin ngritur në banesën e Artur Rakipit.
57 vjeçari me precedent të mëparshëm penal në fushën e falsifikimit të dokumenteve u arrestua në flagrancë pasi gjatë kontrollit në banesën e tij u zbulua ambienti i përshtatur si laborator për prodhimin e dokumenteve të ndryshme shqiptare dhe të huaja të falsifikuara.
Ndërsa ndaj Thanas Shollës dhe Besnik Dines, Gjykata e Korçës kishte caktuar masën e sigurisë "Arrest në burg" dhe u ekzekutua sot. Gjatë kontrolleve të ushtruara në banesat e dy shtetasve Thanas Sholla dhe Besnik Dine dhe në automjetin e këtij të fundit u gjetën pajisje kompjuterike, makineri plastifikimi, fotokopje dokumentesh të huaja dhe një shumë parash.
Sekuestrohen pasaporta false amerikane, e vendeve BE
Policia informon se një sasi e konsiderueshme dokumentesh false, mes tyre dhe pasaporta amerikane, franceze, greke, gjermane, bullgare, të dyshuara të falsifikuara u sekuestruan në cilësinë e provës materiale.
"Në cilësinë e provës materiale u sekuestruan një sasi e konsiderueshme dokumentesh të huaja dhe shqiptare të dyshuara të falsifikuara (karta identiteti, pasaporta amerikane, franceze, greke, gjermane, bullgare, leje qendrimi, leje drejtimi, diploma shkolle); fotokopje dokumentesh të huaja; pajisje kompjuterike; makineri prodhimi dhe plastifikimi; vula, simbole, emblema të shteteve të huaja; automjete; shuma parash të cilat dyshohet se janë përfituar nga kjo veprimtari e paligjshme" informoi policia.
Operacioni u kodua “The counterfeiters" dhe u ndërmor nga Seksioni për Hetimin e Krimit Ekonomik-Financiar në bashkëpunim me Drejtorinë e Forcës së Posaçme Operacionale në Policinë e Shtetit, nën drejtimin e Prokurorisë së Rrethit pas hetimeve 5-mujore.
Tashmë materialet janë në dorë të Prokurorisë së Korçës, ndërsa megaoperacioni vijon.
Lajme të tjera
-
Udhëtim mes dy kohëve, veprat e realizmit socialist shfaqen në Korçë përmes projeksioneve digjitale
23 Nëntor, 17:01
-
Korça 'mbulohet' nga bora! Disa fshatra pa energji elektrike
23 Nëntor, 12:42 -
Kushërira e Kryemadhit shkon në gjykatë për të mbrojtur të birin, Ardian Kona: Është ‘viktimë’ ka firmosur pa dijeni për 13 mijë metra katrorë tokë në Gjirin e Lalzit
22 Nëntor, 13:13
-
Maliq/ Zjarri shkrumbon banesën, shkak dyshohet shkëndija elektrike! Dëme të shumta materiale, s’ka të lënduar
21 Nëntor, 18:26 -
Korçë, 13 vjeçari shkon në shkollë me biçak, ia gjejnë në çantë
21 Nëntor, 12:01 -
Korçë/ Sherr mes fëmijëve në Bulgarec gjatë lojës së futbollit! 12 vjeçari goditet me gur dhe përfundon në spital
19 Nëntor, 16:32 -
Nis puna për rilindjen e Muzeut Arkeologjik të Korçës, restaurim total i godinës, pa prishur vlerat historike
19 Nëntor, 15:53 -
Sot dita ndërkombëtare e të drejtave të fëmijëve/ Të rinjtë marshojnë në Maliq: Na mbroni
19 Nëntor, 15:35 -
I gjetën 56 kg kanabis në kamion, policia arreston babë e bir në Kapshticë! Po e transportonin drejt Turqisë (EMRAT)
19 Nëntor, 09:41 -
Fotografët grekë të “False mirror” turne fotografik në rrugicat e Korçës
18 Nëntor, 16:56
-
Bora e parë zbardh Korçën, të huajt dynden drejt Dardhës, Voskopojës dhe Vithkuqit! Turisti nga Brazili: Vij çdo vit për ski
17 Nëntor, 15:57
-
Korçë/ Kapet me 3 kg kanabis, lëndën narkotike e kishte fshehur në motorin e makinës! Arrestohet 32-vjeçari
17 Nëntor, 08:56
