Njëlloj siç ka deklaruar kreu i PD-së dhe ish-kryeministri Berisha, presidenti Nishani tha sot se Xhafaj është i papërshtatshëm për ministër por ai s’kishte fuqi kushtetuese të refuzonte kandidaturën e propozuar nga kryeministri.
Endri Guga, Drejtori i Komunikimit në Këshillin e Ministrave ka ironizuar faktin që presidenti Nishani ka marrë për bazë të gjitha lajmet e fabrikuara nga opozita. Në rrjetin social twitter, Fuga shkruan: “U mbars mali dhe polli lajme të rreme me stemë republike!”
Gjatë konferencës për shtyp, presidenti u pyet nëse kishte dokumente që vërtetonin atë që ai e cilësoi si jopërshtatshmëri të Xhafajt për postin e ministrit, por ai nuk u përgjigj duke lënë të kuptohej se ishte bazuar vetëm në dy dëshmitë e bëra publike në disa media.
Redaksia Online
Al.N/Shqiptarja.com