POP 5

Lajmet më të lexuara të 5 minutave të fundit

Sport

Prova e së vërtetës për EURO 2024, sot Shqipëria sfidon Çekinë kryesuese! Sylvinho fikson titullarët, shqiptarët ‘pushtojnë’ Pragën

Erdhi ora e ndeshjeve të vërteta. Shqipëria sfidon mbrëmjen e sotme Çekinë kryesuese të grupit E për Euro 2024. Takimi nis në 20:45 në Pragë qytet që është pushtuar nga tifozët shqiptarë. Trajneri Sylvinho e ka përcaktuar formacioni e thotë që skuadra është gati.

Shqipëria sfidon mbrëmjen e sotme Republikën Çekë në Pragë në një ndeshje që luhet për kreun e grupit E të Euro 2024. Kuqezinjtë janë gati dhe optimist për të marrë rezultat pozitiv në stadiumin Fortuna Arena. Objektivi kualifikim kalon nga Praga e pas tre ditësh  Shqipëria do presë Poloninë në Tiranë.

Trajneri Sylvinho megjithëse ka ndonjë dilemë të vogël duket sikur e ka përcaktuar formacionin. Portën do e mbrojë Etrit Berisha e në mbrojtje do jenë Hysaj, Ismajli, Gjimshiti e Mitaj. Në nesin e fushës do aktivizohen Ramadani, Bajrami e ka balotazh Asllani-Gjasula. Në majën e sulmit do jetë Cikalleshi e nga krahët Asani e Uzuni. E vetmja mungesë është ajo e Qazim Laçit. Braziliani i pankinës thotë se skuadra është gati.

I karikuar përpara sfidës duket mbrojtësi Gjimshiti të cilit në kokë i kalon vetëm ideja e kualifikimit.

Në kampin e çekëve e vlerësojnë ekipin tonë dhe trajneri Jaroslav Silhavy bën me dije se kualitetet që kanë kuqezinjtë do t’u hapin punë. Ndeshja nis në 20:45 e rivalët shihen si favoritë nga kompanitë e basteve. Tifozët shqiptarë kanë pushtuar Pragën e sot pritet të jenë të shumtë edhe në stadium.

Drejtësi do të vendosë anglezi Anthony Taylor ndërsa po për grupin E sonte Polonia pret Ishujt Faroe.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Ilir Yzeiri: Sistemi ynë mbështetet te mediokriteti kolektiv

Ilir Yzeiri: Sistemi ynë mbështetet te mediokriteti kolektiv

24 Janar, 12:20 nga Ilir Yzeiri