Eneda Tarifa flet publikisht: Më
kanë inat se punoj në Top Channel

Të përfaqësosh një vend në një kompeticion të rëndësishëm siç është ai i “Eurovision” është një përgjegjësi e madhe. E tillë ishte dhe eksperienca e Eneda Tarifës, që iu desh të përballej me një peshë të madhe, jo vetëm profesionalisht, por edhe moralisht.

Në një intervistë të dhënë për “Elite Zone”, Eneda shprehu pakënaqësinë në lidhje me raportimet e gazetarëve. Sipas moderatores së “Portokalli”, shkrimet kundër saj vinin nga gazetarë që ‘e kanë inat’, sepse ajo ‘punon në një institucion të fuqishëm siç është Top Channel, ku asnjë nga ata gazetarë nuk ka shansin të afrohet e të punojë’.