Eneida Tarifa nuk ka
kohë për martesë

Këngëtarja e cila po prezanton së fundmi edhe “Portokalli”, Eneida Tarifa, ka deklaruar se ajo dhe partneri i saj Erjoni, me të cilin ka një lidhje 15 vjeçare, nuk po gjejnë kohë për t’u martuar. “De fakto jemi të martuar. Për mua bashkëjetesë apo martesë nuk ka ndryshe. Është vetëm një ceremoni ose një dokument që në jetën tonë të përditshme nuk është se do të na e ndryshonte”, ka thënë këngëtarja për revistën Shqip. E pyetur nëse do të lindë fëmijë gjatë bashkëjetesës, gjë që është bërë ‘modë’ te këngëtaret shqiptare, ajo u përgjigj: “Pse jo. Nuk ka asgjë të keqe. Rëndësi ka sesa e shëndetshme është lidhja dhe si përballohet rritja e këtij fëmije”.