Enver Hoxhaj në Mynih, kërkon
njohjen e Kosovës nga Ruanda

PRISHTINË- Në kuadër të pjesëmarrjes në Konferencën për Siguri në Mynih, ministri i Punëve të Jashtme i Kosovës, Enver Hoxhaj, ka zhvilluar takimet me ministra të Jashtëm, personalitete të shquara si dhe përfaqësues shtetëror nga mbarë bota, ku ka kërkuar edhe njohjen e Kosovës nga shteteqë ende nuk e kanë njohur shtetin më të ri në Europë.
 
 Hoxhaj ka takuar ish-sekretarin e Mbrojtjes së SHBA-ve, William Cohen dhe ish-sekretarin e Përgjithshëm të NATO-së, Lordin George Robertson, të cilët në fund viteve të 90-ta kanë mbështetur aspiratat e popullit të Kosovës për liri dhe dinjitet njerëzor. Po ashtu, ai ka zhvilluar takime edhe me homologë të shteteve anëtare të BE-së si dhe të shteteve që ende nuk e kanë njohur pavarësinë e Kosovës.

Siç bën të ditur përmes rrjetit social “Facebook”, Hoxhaj ka zhvilluar një takim edhe me ministren e Jashtme të Ruandës, Louise Mushikiëabo, me të cilën ka biseduar për mundësinë e njohjes sa më të shpejtë të Kosovës nga ky shtet. Ministri Hoxhaj ka kërkuar që Ruanda t’i bashkohet shumicës së shteteve anëtare të OKB-së duke e njohur pavarësinë e Kosovës, bën të ditur, RKT.

Gjatë pjesëmarrjes në këtë konferencës të nivelit të lartë së bashku me kryeministrin Hashim Thaçi, ministri Hoxhaj ka takuar edhe ministrin e Jashtëm të Austrisë, Sebastian Kurz, i cili shumë shpejt pritet të vizitoi Kosovën, duke e falënderuar për mbështetjen austriake. Ai po ashtu u takuar edhe me deputetët gjermanë, mbështetës të fuqishëm të perspektivës euroatlantike të Kosovës, Andreas Schockenhoff dhe Roderich Kiesewetter.

Redaksia online
(esh/shqiptarja.com)