Epoka 'post Messi' në Barcelonë nis me fitore, katalanasit 'leksion' Juves në miqësore! Milan-Real përfundon pa gola

Era e re ajo pa Lionel Messin tek Barcelona nis me një fitore. Barcelona ka mposhtur 3-0 Juventusin në miqësoren prestigjioze të zhvilluar në “Johan Cruyff” përpara 3 mijë tifozëve duke fituar edhe trofeun “Gamper”. Ndeshja zhbllokohet shumë shpejt që në minutën e 3-të ku shënoi holandezi Memphis Depay pas pasimit nga talenti Demir dhe me këtë rezultat do të mbyllej pjesa e parë. Juventusi u përpoq por në lartësinë e detyrës u tregua portieri Neto. Skuadra e Koeman dyfishoi në pjesën e dytë me sulmuesin Martin Braithwaite dhe llogaritë i mbylli Puig me një gol shumë të bukur. Në minutën e 78-të u aktivizua edhe sulmuesi i Kombëtares Rey Manaj që luajti rreth 15 minuta të kësaj sfide prestigjioze. Barcelona di të fitojë edhe pa Messin. Trofeu “Gamper” për vitin 2021 është i katalanasve.

Ndërsa pa gola përfundoi miqësorja tjetër e luksit Milan-Real Madrid zhvilluar në Klagenfurt. Protagonist ishte portieri i ri i skuadrës italiane Maignan që bëri disa pritje të mira dhe madje priti edhe penalltinë e Gareth Bale të fituar po nga uellsiani. Theo goditi shtyllën për Milanin e Modric traversën për Realin por gola nuk u shënuan. Një test i mirë për të dyja skuadrat në prag të nisjes së kampionateve respektive./ Përgatiti Andi Kapxhiu

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kush i fiton zgjedhjet e pjesshme vendore të 6 marsit?



×

Lajmi i fundit

John

Pritet një ditë interesante në dashuri...mësoni horoskopin për sot