Era e fortë që ka përfshirë juglindjen e vendit ka shkëputur një pjesë të fasadës në shkollën 9-vjeçare të Ersekës.

Gazetari i Report Tv, Armand Braho bën me dije se janë shkëputur materialet termoizoluese në shkollën 9- vjeçare ‘Papa Kristo Negovani’ dhe fatmirësisht s'ka të lënduar, por vetëm dëme materiale.

Ngjarja ka ndodhur rreth orës 13:20 kur procesi mësimor kishte përfunduar. Pjesa e suvatimit është shkëputur nga ana ku nuk përdorej për kalim nga nxënësit. Rikonstruktimi i kësaj shkolle është kryer nga mesi i vitit 2018 sipas burimeve nga DRAP.

Megjithëse kompania ‘Kthella Shpk’ e cila ka fituar tenderin për të kryer rokonstruksionin e godinës ka shpenzuar mbi 68 milionë lekë, duket se punimet nuk kanë qenë cilësore. Pritet që ditën e nesërme të fillojë dhe riparimi i fasadës së prishur.