POP 5

Lajmet më të lexuara të 5 minutave të fundit

Bota

Erdogan: Protesta e dhunshme në SHBA turp për demokracinë!

Erdogan: Protesta e dhunshme në SHBA turp për demokracinë!

Recep Tayyip Erdogan

Presidenti turk Recep Tayyip Erdogan, ditën e sotme ka reaguar në lidhje me protestën e dhunshme që është zhvilluar ditën e djeshme nga mbështetësit e Donald, duke thënë se ngjarje të tilla janë turp që ka  “tronditur njerëzimin”.

Erdogan, i cili ka një miqësi me presidentin Trump, kishte pritur tre ditë para se ta uronte Joe Bidenin për fitoren e tij në zgjedhjet presidenciale të 3 nëntorit.

Por ai nuk ka hezituar për të “dënuar” ngjarjet e dhunshme të së mërkurës që siç edhe u shpreh Erdogani ndodhën në “të ashtuquajturin djep të demokracisë”.

"Ky është një turp për demokracinë," u tha Erdogan gazetarëve ditën e sotme në Stamboll.

“Ne shpresojmë se kalimi i Joe Biden, më datë 20 janar do të jetë paqësor dhe se Amerika do të kthehet në paqe”, shtoi presidenti turk.

Erdogani nuk ka lënë pa shprehur ngushëllimet edhe për familjarët e viktimave, qe humbën jetën ditën e protestës e cila ka rezultuar fatale.

Marrëdhëniet e Ankarasë me Uashingtonin u përkeqësuan pas grusht shtetit e dështuar më 2016, për të cilin Erdogan e fajëson një klerikun fetar Fetullah Gulen, që gjendet në SHBA. Uashingtoni ka refuzuar thirrjet e Ankarasë për ekstradimin e Gulenit.

Megjithatë, miqësia e Erdoganit dhe Trumpit ka ndihmuar që Turqia të mos jetë subjekt i sanksioneve amerikane, për shkak të përkeqësimit të të drejtave të njeriut.


Lajmi kryesor:

SHBA/ 4 viktima nga protestat e dhunshme! 15 ditë gjendje e jashtëzakonshme, dorëhiqen disa zyrtarë (VIDEO-FOTO)
J.GJ./Shqiptarja.com
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Papët dhe jubilejtë: hapja e Derës Shenjte në histori

Papët dhe jubilejtë: hapja e Derës Shenjte në histori

25 Dhjetor, 07:31