Presidenti i Turqisë, Recep Tayyip Erdogan, e përdori një fjalim për të drejtat e njeriut të shtunën për ta akuzuar Perëndimin për “barbarizëm” në qëndrimet e tij për luftën mes Izraeli dhe Hamasit – grupit radikal palestinez të shpallur organizatë terroriste nga SHBA dhe BE.
“Izraeli ka kryer masakra dhe mizori të cilat do ta turpërojnë tërë njerëzimin”, tha Erdogani në një sallë të mbushur në Stamboll, një ditë para përvjetorit të 75-të të Deklaratës Universale për të Drejtave e Njeriut.
“Të gjithë vlerat e ndërlidhura me njerëzimin po vriten në Gazë. Përballë brutalitetit të tillë, institucionet ndërkombëtare dhe organizatat për të drejtat e njeriut nuk po ndërmarrin hapa konkret për t’i parandaluar këto shkelje”, tha lideri turk.
Deklarata për të drejtat e njeriut, e shpallur nga Asambleja e Përgjithshme e Kombeve të Bashkuara në Paris më 10 dhjetor 1948, ruan një standard për të drejtat dhe liritë e njeriut për të gjithë njerëzit.
Duke iu referuar vetos që Shtetet e Bashkuara të Amerikës e përdorën të premten kundër rezolutës së Kombeve të Bashkuara, e cila bënte thirrje për një armëpushim në Gazë, Erdogani tha se është e mundur të ketë një botë më të drejtë “por jo me Amerikën, sepse ajo qëndron përkrah Izraelit... Nga tani, njerëzimi nuk do të mendojë se SHBA-ja e mbështet Deklaratën Universale për të Drejtat e Njeriut”.
Turqia, gjatë dy dekadave nën udhëheqjen e Erdoganit, është kritikuar shpesh për të drejtat e njeriut, kryesisht për shkak të sulmeve ndaj kritikëve të Qeverisë dhe kundërshtarëve politikë, minimit të pavarësisë së gjyqësorit dhe dobësimit të institucioneve demokratike.
Turqia u tërhoq nga Konventa e Stambollit për parandalimin e dhunës kundër grave dhe ka dështuar t’i zbatojë vendimet e Gjykatës Evropiane për të Drejtat e Njeriut.
Të shtunën, presidenti turk tha se vlera e vetme “për të cilës mbahet Perëndimi është barbarizmi. Ne e kemi parë këtë shembull të barbarizmit të Perëndimit në të gjitha ngjarjet fatkeqe të cilat ata ose i kanë mbështetur ose i kanë shkaktuar”.
Erdogani e citoi sulmin në një xhami në Zelandë të Re në vitin 2019, ku një person i armatosur i vrau 51 njerëz, si sulm islamofobik që u “legjitimua” dhe “madje u nxit” nga Perëndimi./ REL
Lajme të tjera
-
Izraeli kap një raketë nga Jemeni, u lëshua pas kërcënimit të ministrit izraelit
24 Dhjetor, 15:28 -
Gjermani/ Pas ngjarjes në Magdeburg: Sulme ndaj migrantëve
24 Dhjetor, 08:44 -
Spahiu: Të gjitha partitë opozitare në Kosovë janë afruar më shumë me Shqipërinë sesa Vetëvendosja!
21 Dhjetor, 16:44 -
Lufta/ Izraeli bombardon 2 shkolla në Gaza, të paktën 15 të vdekur! IDF: Shërbenin si qendra komandimi të Hamas
20 Dhjetor, 08:37 -
Lufta në Gaza e Siri, Trump telefonatë me Netanyahun: Marrëveshje për pengjet dhe armëpushim, ndryshe...! Al-Jolani takon të dërguarin e OKB
16 Dhjetor, 08:33 -
Lufta në Gaza/ Sulmi izraelit në kampin e Nuseiratit, numri i viktimave rritet në 33
13 Dhjetor, 07:21 -
Bilalli në ‘Studio Live’: Procesi në Hagë ka tendencë të njollosë Kosovën! Turqia më e fituara në Siri, Erdogani e luajti mirë shahun
11 Dhjetor, 19:29 -
Çfarë kemi frikë në të vërtetë ne shqiptarët?
9 Dhjetor, 12:14
-
Presidenti Erdogan: Fundi i Perëndimit do të vijë, u ngrit mbi masakra, gjenocid dhe shfrytëzim
6 Dhjetor, 20:37 -
Lufta/ Dhjetëra të vrarë nga bombardimet izraelite në veri të Gazës! Senati amerikan i jep dritën jeshile shitjes së tankeve Izraelit
21 Nëntor, 07:17 -
Lufta/ Izraeli bombardon nga ajri në Siri dhe Gaza, 43 të vrarë dhe mbi 50 të plagosur!
20 Nëntor, 21:15 -
Organizata 'Human Rights Watch' akuzon Izraelin për krime lufte, spastrim etnik
14 Nëntor, 17:03
