Enti Rregullator i Energjisë refuzoi kërkesën e furrave të bukës dhe prodhimit të miellit për të rishikuar çmimin e furnizimit me energji elektrike.
Në vendimin e saj, ERE argumenton se shoqëria “Furnizuesi i Shërbimit Universal” nuk ka plotësuar kriteret mbi të cilat ERE do të mund të vlerësojë dhe analizojë kostot e aktivitetit si dhe nivelin e synuar të të ardhurave të kërkuara, e më tej të vijojë me fillimin e procedurës dhe zhvillimin e procesit të përcaktimit të çmimeve të shitjes së energjisë elektrike për konsumatorët të cilët shërbehen nga kjo shoqëri.
Kërkesa për rishikim të çmimit u bë nga shoqëria “Furnizuesi i Shërbimit Universal” (FSHU) sh.a. më 18 maj 2023. Në kërkesën e saj FSHU kërkonte rishikimin e modaliteteve për përcaktimin e saktë të kategorive furrë buke dhe/ose prodhim mielli; dhe rishikimin e tarifës për njësi bazuar në kostot reale të furnizimit me energji elektrike.
Më 13 qershor 2023 ERE organizoi një seancë dëgjimore ndërmjet përfaqësuesve të ERE-s, Shoqatës së Prodhuesve të Bukës, Pastiçerisë dhe Brumërave, përfaqësuesve të FSHU sh.a., Operatorit të Sistemit të Shpërndarjes (OSSH) sh.a. dhe Ministrisë së Infrastrukturës dhe Energjisë (MIE).
Në seancë u paraqitën vetëm përfaqësues të shoqërisë FSHU sh.a., Shoqatës së Prodhuesve të Bukës, Pastiçerisë dhe Brumërave, si dhe përfaqësues të shoqërisë OSSh sh.a.
Përfaqësuesit e shoqatës u shprehën ndër të tjera se: ...ndarja e ambienteve për qëllime të faturimit të energjisë së konsumuar dhe aplikimi i udhëzimit të nxjerrë nga FSHU sh.a. ka shkaktuar probleme, si dhe abuzime duke sjellë si pasojë dhe rritje të kostove të aktiviteteve të furrave të bukës dhe prodhuesve të miellit, të cilët janë vënë në presion për të përballuar koston e rritur të energjisë elektrike pa rritur çmimin e shitjes së bukës. Ata risollën propozimin e aplikimit të një çmimi të unifikuar, duke përfshirë në këtë kategori dhe furrat me prodhim dhe tregtim buke dhe pastiçerie.
Përfaqësuesit e shoqërisë FSHU sh.a., argumentuan fitimin e munguar që po i shkaktohet nga faturimi me çmimin e subvencionuar prej 7.6 lekë/këh i vendosur nga ERE dhe i lënë në fuqi dhe për vitin 2023.
Shoqërisë FSHU sh.a. iu kërkua të paraqiste informacion të detajuar mbi alokimin e kostove dhe kapaciteteve reale për 12 muajt e fundit, për secilën kategori klientësh, në mënyrë që të kryhej një vlerësim i drejtë dhe i mbështetur në të dhëna konkrete dhe reale. Si dhe iu kërkua nga palët që të përcjellin në ERE propozimet e tyre mbi çështjet e adresuara nga FSHU sh.a.
Në përfundim të afateve, asnjë nga palët nuk i përcolli në ERE kërkesat e lëna detyrë gjatë seancës dëgjimore. FSHU sh.a. nuk përcolli aplikim për
përcaktimin apo rishikimin e çmimeve të shitjes së energjisë elektrike, si dhe asnjë të dhënë dhe informacion sikurse përcaktohej.
Vendimi mban datën 14 gusht dhe u publikua në Fletore Zyrtare më 9 gusht 2023.
Komente
Lajme të tjera
-
U rrit çmimi i energjisë/ Autoriteti i Konkurrencës nis monitorimin e çmimeve tek furrat e bukës e pastiçerive
1 Nëntor, 13:20 -
Furrat e bukës, OSHEE apel subjekteve të deklarojnë kontratat dhe të aplikojnë për ndryshimin e tarifës 14 lek/kWh
25 Korrik, 15:02 -
KE hetim, Shqipëria analizë! Ende mister përse u stakuan dritat në 4 shtete
24 Qershor, 16:14
-
ERE heq pezullimin, rinovon licencën e ‘ECO Elb’ për inceneratorin e Elbasanit
3 Maj, 10:03 -
Nga 1 maji rritet çmimi i energjisë për furrat e bukës që janë pastiçeri dhe bar-kafe, ERE miraton fashat e reja
15 Prill, 14:36
-
Në prag të sezonit turistik, qytetet bregdetare në Shqipëri probleme me ujin e pijshëm dhe kanalizimet
6 Prill, 21:35 -
ERE shqyrton fashat e reja të energjisë për furrat e bukës e pastiçeritë: Do bëjmë konsultime me grupet e interesit
2 Prill, 14:54
-
TEC-et lundruese nisin prodhimin e energjisë në dhjetor! KESH për Report TV: Kostoja për një megavat deri 170 euro! S’kemi bërë pagesa qiraje
24 Tetor 2023, 15:43
-
ERE licencon në prodhim një tjetër impiant fotovoltaik me kapacitet 50W
18 Gusht 2023, 07:17 -
Entit Rregullator i Energjisë prezanton raportin për vitin 2022 te ‘Veprimtaria’! Opozita: Qeveria u vjedh energjinë prodhuesve të vegjël! Kreu i Ere: U blihet ose kompensohet
20 Qershor 2023, 15:54
-
TEC-et lundrues në Vlorë, ERE shtyn vendimmarrjen, seancë dëgjimore me palët
25 Shkurt 2023, 15:50 -
Shfuqizimi i fashës prej 800 KWh për energjinë, Tabaku: Një muaj më parë qeveria rrëzoi argumentat e opozitës, tani i paraqet si propozime të vetat
14 Dhjetor 2022, 17:44
Ç fare kerkojne keto prodhuesit e millit dhe te bukes?Pronaret e fabrikave te millit e marin prodhimin fshatareve te shkrete me nje çmim qesharak,sa as parat e tyre nuk i marrin lere mundin qe bojne,dhe millin e shesin shum shtrejt prolluesve te bukes,dhe keto prollojne buke as 300g nuk vjen dhe shitet 90 lek!ketu duhet te vere dore shteti se e mbyten ket popull fukara.
Përgjigju