POP 5

Lajmet më të lexuara të 5 minutave të fundit

Sociale

Drejt Punës

Erglena Domi, vajza e parë kampione e mundjes në Shqipëri! 10-vjeçarja nga Kukësi thyen tabutë: Nuk më shqetëson paragjykimi

Erglena Domi është 10-vjeçarja e cila pëlqen sportin e mundjes dhe për këtë ka sakrifikuar duke udhëtuar çdo ditë nga Kukësi në Prizren për t'u stervitur. Brenda një kohe të shkurtër ka fituar medalje. Për talentin e saj flet edhe trajneri, por dhe babai tek i cili ka gjetur mbështetje të madhe. 

KUKËS- Erglena Domi i ka hyrë sportit të mundjes në moshë të vogël dhe brenda 1 viti ka arritur të rrëmbejë medalje. 10-vjecarja nga Kukësi ka thyer tabutë në qytetin e saj të lindjes, ku sporti i mundjes është traditë, por për djem....

Erglena Domin e takuam bashkë me vëllanë, Ernestin i cili gjithashtu ka pasion mundjen dhe ka nisur stervitjen më herët.

"Me sportin e mundjes kam një vit ose më pak që merrem, sepse kam një vëlla më të vogël, kam parë atë më ka pëlqyer edhe mua. Ngaqë është sport që të aktivizon, i tregova babit dhe babi më tha në rregull. Kam marrë pjesë në kampionatin e Kaçanikut dhe fitova medaljen e parë dhe ishte kampionati i parë që më ka motivuar për të vazhduar këtë sport", rrëfen ajo.

Edhe pse mjaft e angazhuar në sport, Eglena nuk ka lënë pas mësimet ndaj ka një apel për bashkëmoshatarët.

"Me mësime jam shumë mirë, bëj ski not dhe këndim aktivizohem tek pallati i kulturës në koncerte. Kur nisa mundjen shoqet nuk e prisnin se ngaqë jam vajzë, por unë nuk e kam problem mentalitetin. Ju them bashkëmoshatarëve të mi të merren me sport se sporti është shumë i mirë", shprehet Eglena

Edhe pse në Kukës mund të jetë e paragjykuar për sportin e zgjedhur, Erglena mbështetjen më të madhe e ka marrë nga babai saj Sadik Domi, ish mundës në ekipin “Përparimi” të Kukësit.

Në mungesë të një palestre në qytetin e saj, 10-vjecarja shkon tre herë në javë për stërvitje në qytetin e Prizrenit. Bashkë me 20 vajza të tjera të Prizrenit dhe vëllanë stërvitet nga trajneri Sadik Ferhati i cili thotë se Erglena është talent dhe në kohë të shkurtër arriti të gjitha kriteret fizike të mundjes. 

Erglena Domi është vajza e parë kampione në sportin e mundjes në Shqipëri. Ajo ka fituar vendin e parë në Turneun Ndërkombëtar të Mundjes për femra, në stilin e lirë. Ky turne është mbajtur ditë më parë në Kaçanik në Kosovës. Në këtë kampionat garuan vajza nga Kosova, Shqipëria, Maqedonia dhe Serbia. 10-vjeçarja Erglena Domi do të përfaqësojë Shqipërinë në Kampionatin Europian që do të mbahet në muajin shtator, në Serbi. 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Konsiderohen si numrat e 'engjëjve', çfarë simbolizojnë dhe kuptimi i tyre

Konsiderohen si numrat e 'engjëjve', çfarë simbolizojnë dhe kuptimi i tyre

29 Dhjetor, 08:59