Ermal Meta preket nga italiani:
'Historinë tënde do ta bëj këngë'

Pas suksesit të korrur në Sanremo, Ermal Meta dhe Fabrizio Moro kanë qënë të ftuar në emisionin “C’e posta per te” për të surprizuar një të sëmure me leucemi në Itali.
Një burrë kishte kaluar një betejë serioze me sëmundjen e tij kishte dëshirë t’i bëjë një surprizë gruas dhe dy vajzave për t’i falënderuar dhe për t’u kërkuar falje. Sëmundja nuk “godet” vetëm atë që e ka, por edhe ato që e rrethojnë”, shprehet i ftuari i Maria De Filipit.

Dy këngëtarët ishin të preferuarit e njerëzve të tij të dashur dhe për këtë arsye ka kërkuar praninë e tyre në emision.
“Historia e babait tuaj na dha shumë forcë dhe na bëri të kuptojmë se jeta duhet të merret më lehtë. Në bëri që ta shohim jetën në një këndvështrim tjetër. Ky ishte një mësim i bukur dashurie dhe unë jemi të sigurtë që do ta bëjmë një këngë për këtë”, janë shprehur këngëtarët, fituesit e e edicionit të Sanremos.

e.gj/Shqiptarja.com