Në garën më të rëndësishme të këngës italiane, tani për tani, Ermal Meta është në vend të parë në renditjen e përkohshme. Shqiptari ynë i talentuar po shkëlqen me të tijën këngë-poezi: “Një million gjëra për të të thënë”. “Nuk mund të deklaroj se është shpallur tashmë që natën e dytë fituesi i Sanremo 2021”, komentoi një nga gazetarët italianë, “por do të jetë shumë e vështirë që dikush t’i afrohet perfeksionit të Ermal Metës”.
Eshtë mbresëlënëse të lexosh komentet e qindra mijëra italianëve në rrjetet sociale, fjalët e tyre, emocionet nga teksti, muzika dhe interpretimi i shqiptarit tonë, janë të jashtëzakonshme. Sa emocione! Sa njerëz preken, ndjejnë dhe shijojnë poezinë. “Teksti poetik më i bukur”, shkruan “Vanity Fair” dhe vazhdon me këto fjalë: “… I aftë të prekë shpirtin, Ermal Meta tregon me këngën e tij plot sharm dhe elegancë, duke përkëdhelur me delikatesë të skajshme vorbullën e emocioneve njerëzore dhe të dashurive të papritura, të mbetura kushedi për sa kohë pezull…”
Kënga e Ermal Metës si një spirale e lehtë, e padukshme arrin në humnerat e thella të krijuara në shpirtrat e brishtë të këtyre kohëve kovidiane e duket sikur stimulon më të mirën tek ne. E bën shtruar, pa zhurmë, me fjalën dhe muzikën, pa mendjemadhësi e mbi të gjitha hap pas hapi, punë pas pune, durim pas durimi dhe shumë, shumë përkushtim. Ashtu siç bëhet me të vërtetë e bukura dhe e mira. Dhe këtë, një vend si Italia e di dhe e peshon mirë.
Suksesi dhe karriera e Ermal Metës në Itali, ashtu si edhe i balerinëve dhe këngëtarëve tanë lirikë, është 100 fish më e vështirë, e 1000 fish më e merituar: Të bësh për vete vendin e Domenico Modugno-s, Carla Fracci-t, Luciano Pavarotti-t duhet të jesh i jashtëzakonshëm dhe Ermal Meta po tregon se është i tillë.
Lajme të tjera
-
Ermal Meta bëhet baba: Dora ime nuk ka qenë kurrë kaq e madhe, madje as zemra
19 Qershor, 15:56 -
Së shpejti baba, Ermal Meta zbulon emrin e vogëlushes
13 Maj, 11:34 -
Itali/ Ermal Meta këndon ‘Haleluja’ në shi, por më pas del dielli! Duartrokitet nga publiku (VIDEO)
1 Maj, 19:31 -
Ermal Meta do të bëhet baba për herë të parë
24 Prill, 14:57 -
Sanremo 2024, më të mirat e mbrëmjes së katërt! Sërish polemika për kërcimin ‘qua qua’ me Travoltën! Ermal Meta rikthehet me këngën e tij fituese
10 Shkurt, 16:14 -
Sonte nata e 4-t e festivalit të Sanremos, ngjitet në skenë edhe Ermal Meta
9 Shkurt, 12:53 -
Ermal Meta publikon këngën e re: Kundër dhunës, le ti edukojmë fëmijët edhe me këngë
5 Dhjetor 2023, 19:59 -
FOTOT / Nga Ermal Meta, Jonida Maliqi tek Vikena Kamenica, VIP-at që morën pjesë në pritjen për festën e Pavarësisë
28 Nëntor 2023, 12:19 -
Emocionuese/ Ermal Meta vjen nga Italia për të surprizuar vajzën në Lezhë! Altin Prenga: Faleminderit që na kujton çfarë është njerzillëku
27 Nëntor 2023, 13:59 -
VIDEO/ Nga Shqipëria, Ermal Meta i jep lamtumirën e fundit Toto Cotugno-s: Të kemi dashur shumë në dy anët e Adriatikut
23 Gusht 2023, 14:09 -
Pas reagimit të Ermal Metës mbi ngjarjen në Palermo, vërshojnë mesazhet e ndjekësve: U përdhunova kur isha 5 vjeç
23 Gusht 2023, 09:49 -
FOTOLAJM/ Ermal Meta i bashkohet humoristit italian, Checco Zalones për të pushuar në Green Coast
22 Gusht 2023, 12:49
