POP 5

Lajmet më të lexuara të 5 minutave të fundit

Sport

Ermir Lenjani tërhiqet nga Kombëtarja pas 10 sezonesh: Ëndërr e realizuar

Ermir Lenjani ka marrë vendimin për t'u tërhequr nga Kombëtarja pas 10 vitesh.

Ermir Lenjani tërhiqet nga Kombëtarja pas 10 sezonesh: Ëndërr e realizuar

Ermir Lenjani

Ermir Lenjani ka marrë vendimin për t'u tërhequr nga Kombëtarja pas 10 vitesh, pasi ka përjetuar emocione të shumta. Mbrojtësi i majtë ishte pjesë edhe e "Euro 2016" në Francë dhe me ëndrrën e realizuar largohet nga futbolli i luajtur në nivelin ndërkombëtar. Ai i bashkohet Gjasulës dhe Cikalleshit që pak javë më parë u tërhoqën nga Kombëtarja.

Aktualisht pjesë e FC Schaffhausen në Zvicër, 35-vjeçari i lindur në Prishtinë koleksionon 44 paraqitje dhe pesë gola me Kombëtaren A të Shqipërisë. Lenjani debutoi si kuqezi më 15 nëntor 2013, në një miqësore të barazuar 0-0 kundër Bjellorusisë, në kohën kur ekipi drejtohej nga De Biasi. Uinterthur, Grasshopers, St. Gallen, Stade Rennais, Nantes, Sion, Umraniyespor dhe FC Schaffhausen, këto kanë qenë ekipit e Lenjanit në karrierë.

Lenjani falenderoi familjen, miqtë, bashkëpunëtorët, si dhe tifozët për çdo emocion dhe mbështetje të dhënë gjatë karrierës së tij.

“Dua t’ju njoftoj se kam vendosur të tërhiqem nga Kombëtarja shqiptare. Një vendim aspak i lehtë, por besoj që është momenti i duhur. Për mua ka qenë gjithmonë nder dhe përgjegjësi e madhe të vesh fanellën e kombit tim. Jam shumë krenar që emri im është pjesë e historisë së futbollit shqiptar dhe që ëndrra ime e fëmijërisë u realizua në vitin 2016, ku bëmë krenarë kombin kuqezi me përfaqësimin historik për herë të parë në një Kampionat Europian.

Kam plot momente të bukura me fanellën kuqezi, që nga debutimi në ndeshjen ndaj Bjellorusisë, te goli i parë në “Elbasan Arena” ndaj Danimarkës, fitorja historike në “Francë 2016” ndaj Rumanisë dhe grumbullimi im i fundit në muajin mars 2023 me Kombëtaren, ku nisi edhe rruga drejt kualifikimit në “Euro 2024".

I jam falënderues Zotit, familjes time dhe çdo personi që më ka qëndruar pranë në çdo moment. Çdo fillim e ka një fund dhe rrugëtimi im nuk do të ishte i mundur pa trajnerët Gianni De Biasi, Christian Panucci, Edoardo Reja dhe Sylvio Mendes Campos Júnior, të cilët dua t’i falënderoj nga zemra për besimin e dhënë.

Gjithashtu, dua të falënderoj stafin teknik të Kombëtares, Federatën Shqiptare të Futbollit, Presidentin Armand Duka dhe të gjithë shokët e skuadrës që më kanë mbështetur në rrugëtimin më të veçantë të jetës time.

Në fund, falënderimi im më i madh është për tifozët e Kombëtares shqiptare. Në çdo stadium në Shqipëri dhe në Europë jemi ndjerë si në shtëpinë tonë, falë jush, tifozët më të mirë në botë. Tani e tutje jam si të gjithë ju, gjithmonë krah Kombëtares shqiptare dhe djemve kuqezi.

Faleminderit nga zemra shqiptarë. Një kapitull i mbyllur, por një rrugë e përjetshme!”, përfundoi ai.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    19 Dhjetor, 08:16

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit

'Po ndërtojmë institutin e fëmijëve në konklikt me ligjin', Rama: Programi i fermës në shkollës, fëmijët të kuptojnë që domatja s'bëhet në TikTok

'Po ndërtojmë institutin e fëmijëve në konklikt me ligjin', Rama: Programi i fermës në shkollës, fëmijët të kuptojnë që domatja s'bëhet në TikTok

21 Dhjetor, 14:02