TIRANË- “Teatrin nuk do të na e bëjnë të huajt, nuk do ta bëj askush tjetër përveç nesh”, shprehet Ermonela Jaho këtë të hënë prej Teatrit të Operas.
Prej sukseseve të para e deri më sot, kur zëri e performanca e saj bëhen kryetemë e skenave më prestigjioze, Ermonela Jaho ka vendosur, që lidhjet me rrënjët t’i ruajë të forta...
“Shkolla jonë të jep diçka, mua më ka dhënë diçka... Më vonë unë e kam mësuar me luftë, torturë e sakrificë të madhe, kam dalë jashtë ta marr. Këtë eksperiencë është detyrimi ynë si artist të rritur këtu, që ta sjellim këtu”, shprehet sopranoja Ermonela Jaho.
Shqipërinë e ka bashkëngjitur me emrin e saj kudo që prezantohet në botë, e prej eksperiencës ndërkombëtare i përçon prej 14 prillit artistëve të rinj të muzikës klasike leksione të vyera në masterclass edhe përtej kantos në Opera. Së bashku me drejtoren e Teatrit, po punojnë që Akademia Teatrale të kthehet në traditë....
“Qëllimi është që në bazë të kalendarit të përgatiten këta artistë të rinj shqiptarë dhe rolet në operat që ne do të programojmë të jenë këngëtarët shqiptarë”, shprehet Jaho.
Ndjen keqardhje sopranoja, që ftesës së hapur i janë përgjigjur një grusht artistësh shqiptarë kryesisht nga Diaspora e Kosova, në një kohë që kudo shkon sallën e gjen të tejmbushur... Shpreson që shkas të mos jetë presioni i dikurshëm i pedagogëve a kolegëve, me të cilin vetë është përballur dikur.
“7-8 veta kanë ardhur nga vajzat, por është ajo dashuria për të bërë diçka për ta. Sepse të jesh artist sot është e vështirë, të bësh jetesën me art është e vështirë. Duhet ta duash, duhet të jetë një terapi, një katharsis... një nevojë shpirtërore”, shprehet më tej sopranoja.
Por, rrëfen se në trajnim të rinjtë i ka trajtuar si kolegë, e përveçse u ka zbuluar disa prej sekreteve që fshihen në komponentët e një opere, prej zërit tek grimi, edhe ka marrë prej tyre emocione të forta...
“Jam përlotur prej një nga pjesëmarrësve nga Peja që vinte nga mëngjesi deri në darkë... dhe thashë ka ende shpresë! Sigurisht që edhe përgjegjësia ime është e madhe sepse nuk ka rëndësi ku këndova dje, kush më duartrokiti, por çfarë do të lë dhe çfarë po bëj tani...”, thotë më tej Jaho.
Flet me energji e pasion për të ardhmen e Teatrit të Operas, për të cilin ndjen përgjegjësi morale që të kontribuojë, si artiste që e ka një as nën mëngë, atdhetare, por edhe anëtare e bordit të Teatrit...
“Gur-gur të ndërtojmë diçka për këta talente, t’u japim shpresën sepse nuk kanë përse largohen”, shprehet Jaho.
Për të njëjtën grintë, flasin në këto kohë edhe mediet ndërkombëtare, teksa vënë theksin tek performancat impresionuese të Jahos, që shkojnë përtej zërit...
“Nuk e kam bërë asnjëherë për famë, por është një ushqim shpirtëror. Sidmos kur rritesh në një ambient me shumë paragjykime, në njëfarë mënyre më është bërë një lloj mënyre për të thënë se pavarësisht paragjykimeve të botës ne vlejmë, unë vlej!”, thotë Jaho.
Premton se në tetor do të rikthehet sërish me Akademinë Teatrale, dhe se do t’i përgjigjet pozitivisht dëshirës së publikut shqiptarë për ta parë të performojë në këtë skenë....
Komente
Lajme të tjera
-
Pas shkarkimit të Voshtinës, dorëhiqet dhe drejtori artistik i Teatrit të Operas dhe Balerit, italiani Jacopo Sipari di Pescasseroli
16 Dhjetor, 12:06 -
Armaldo Kllogjeri reagon për shkarkimin e Voshtinës, ish-drejtoreshës së TOB: Kush i bën gropën tjetrit, bie vetë brenda! Uroj që drejtori i ri të më rikthejë (VIDEO)
15 Dhjetor, 19:30 -
‘Gjenerata romantike’ sjell Chopin dhe Schumann në TKOB! Studentët italianë në Shqipëri, Bakiu: Kthehem në shtëpi
23 Tetor, 14:06
-
Filmi ‘Prokurori’ shfaq premierën e episodit të parë në TOB, pjesë e serialit aktori i famshëm hollivudian Danny Glover
12 Tetor, 17:16 -
‘Rikthimi i dallëndyshes’, koncert i Ermonela Jahos në Opera! Sopranoja 'ngre peshë' zemrat e publikut
5 Gusht, 19:06
-
Ermonela Jaho koncert në Teatrin e Operas dhe Baletit, Veliaj i dhuron Kullën e Sahatit: Mirënjohës që je imazh i Shqipërisë moderne
4 Gusht, 11:47 -
‘Uni’, Trupa e Operas dhe Balerit çel nga Pogradeci siparin e turit në Shqipëri! Qytetarë e turistë shijojnë shfaqjen
13 Korrik, 21:59
-
New York Times: Ermonela Jaho, kjo soprano këndon melodinë e shpirtit
12 Korrik, 20:19 -
Ermonela Jaho vlerësohet me urdhrin ‘Kalorëse e Arteve’ nga shteti i Francës
10 Korrik, 15:46 -
‘Rikthimi i Dallëndyshes’, sopranoja Ermonela Jaho vjen me koncert në Teatrin e Operas dhe Baletit
9 Korrik, 16:42 -
Performanca në Opera/ Sopranoja e njohur shqiptare, Ermonela Jaho merr përgëzimet e mbretit Charles (VIDEO)
17 Maj, 16:55 -
Mësuesi-muzikant Cardini i dedikoi vepër, ish-studenti, sot pianist i njohur e luan në Tiranë në shenjë homazhi! Emanuele Torquati: U ndjeva në shtëpi
27 Mars, 16:18
lodhesh kot moj zonje, ne ket vend nuk i don njeri te aftet...
PërgjigjuNe fakt Po nuk u fute ne big bardhoku nuk ka Art lol
PërgjigjuNormal qe nuk do vijne studente nga artet sepse per aq kohe sa do japin mesim njerez me integritet te ulet profesional, ky nivel dhe ky mosinteresim do jete. Jep mesim Kastriot Tusha qe ka mbi 20 vjet qe kendon vetem kenge popullore dhe kenge napoletane. Biles dhe titullin "Mjeshter i Madh", me keto kenge e ka marre. Jep gjithashtu dhe Jonida Maliqi kanto, ndoshta nuk jep me, por keshtu kam degjuar. Jonida Maliqi qe nuk ka kenduar nje arie ne jeten e saj, dhe mos flasim per nje opera te plote.
PërgjigjuKe shume te drejte. Nje analogji me kete qe thua vjen nga fakulteti i mjekesise, ku japin mesim vetem ata me "mbiemer" dhe ata qe realisht perpiqen pafund dhe dalin ekselent, largohen jashte dhe sduan te shohin me as deren e universitetit shqiptar. Dalin padtaj si te pikelluar ne media qe pse largohen mjeket. Pikerisht per keta vemje qe kane kapur fakultetin e mjekesise dhe spitalet. Shpresa vritet qe ne ngjizje te profesionit, ska nevoje te rrish me shume ne shqiperi ta kuptosh se me cfare krokodilesh ke te besh.