POP 5

Lajmet më të lexuara të 5 minutave të fundit

Politikë

Ervin Salianji flet për rikthimin e Lulzim Bashës: Më 30 qershor do jetë sërish në krye të PD

Lulzim Basha do të rikthehet në krye të PD pas zgjedhjeve të 14 majit. Kështu pretendon Ervin Salianji duke thënë se më 30 qershor, Basha, i cili gjatë kësaj periudhe ka qëndruar në heshtje, do t’i kthehet politikës aktive.

Ervin Salianji flet për rikthimin e Lulzim Bashës: Më 30 qershor do jetë sërish në krye të PD

Lulzim Basha

Lulzim Basha do të rikthehet në krye të PD pas zgjedhjeve të 14 majit. Kështu pretendon Ervin Salianji duke thënë se më 30 qershor, Basha, i cili gjatë kësaj periudhe ka qëndruar në heshtje, do t’i kthehet politikës aktive.

Në një interviste për “Top Talk”, Salianji iu referua Partisë Demokratike si ‘PD e vulës’ që është privatizuar nga 2-3 persona.

“Ka një privatizim të PD-së së vulës. Do të jemi prapë këtu dhe do ta shohim si do të tretet bashkë me ish-kryetarin kur ai të kthehet në krye të asaj partie. Do të kthehet dhe do të tretet bashkë me ata. Është e qartë që do të ketë një proces në 15 maj, në 30 qershor do të kthehet”, tha Salianji.

Salianji vijoi duke thënë se ka një kategori politikanësh që në politikë i kanë marrë të gjitha qyl. Po ashtu nuk kurseu akuzat për Enkelejd Alibeajn, i cili sipas Salianjit, promovon më shumë Edi Ramën se opozitën për zgjedhjet e 14 majit.

“Nuk merren as godinat, as qytetarët, as vulat, duke u qurravitur. Merren vetëm me betejën politike. Betejat politike bëhen duke fituar mbështetjen e qytetarëve. Për të rrëzuar Edi Ramën, thotë ky zotëria, votoni Ramën. Kjo është logjika e të gjithë fushatës. Çfarë e pengon që të thotë votoni kandidatët e opozitës. 

Unë kam këtë ndasi të caktuar me këtë zotërinë, edhe unë po themi, por çfarë e pengon që të thotë votoni kandidatët e partisë, e opozitës, për të bërë të mundur ndryshimin. Mirë aty ku kanë, po aty ku nuk kanë. Këtu ka diçka që kërcet dhe nuk bën sens politik. Nuk është çështje vulash dhe godinash, është çështje e vullnetit të qytetarëve. Do ta shihni në rezultatin e zgjedhjeve. Votat e kandidatëve janë votat politike që do të marrë secila prej palëve”- tha Salianji.

Kujtojmë se më 21 mars të vitit të kaluar, pas 9 vitesh aspak të lavdishme në krye të Partisë Demokratike dhe humbjeve të njëpasnjëshme, Lulzim Basha dha dorëheqjen e tij si kryetar i partisë opozitare më të madhe në vend. Edhe pse luftoi me çdo mënyrë që pas çdo humbje në zgjedhje të mbante postin e kreut të PD, duket se Lulzim Basha nuk i ka rezistuar më presionit të demokratëve, ku këtë herë kundër i dolën edhe besnikët e tij më të mëdhenj. Gjatë kësaj periudhe ka qëndruar shumë i heshtur, pavarësisht akuzave të vazhdueshme të Sali Berishës për përfshirje në financimin rus.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • tironci: 22/04/2023 09:03

    Amon kthejeni sa me shpejt se ky i duhet PD me ardhe ne pushtet ne 2063, ahh ju jeni vk te gjithe pranaj tallet b,, edi me ju

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Konferenca/ Peleshi: Bardhi e interpreton ndryshe, Parlamenti s’kontrollon vetveten! Duket veprim politik, periudha e zgjedhjeve s’e lejon ngritjen e Komisionit

Konferenca/ Peleshi: Bardhi e interpreton ndryshe, Parlamenti s’kontrollon vetveten! Duket veprim politik, periudha e zgjedhjeve s’e lejon ngritjen e Komisionit

23 Dhjetor, 13:58