Libri “Të shkosh nëpër vendet e kinemasë” i Oscar Iarussi-t (botues “Il Mulino”) do të prezantohet më datë 5 tetor në orën 16.00 pranë qendrës COD – Qendra për Hapje dhe Dialog - të Tiranë. Në takimin e organizuar nga Balkan Film Market, të drejtuar nga Ilir Butka, nga Qendra Kombëtare e Kinemasë (QKK) dhe nga Instituti Italian i Kulturës, do të jetë i pranishëm autori.
Në “Të shkosh nëpër vendet e kinemasë” tregohen 10 qytete italiane përmes filmash dhe protagonistësh, nga Milano në Venecia, nga Torino në Romë, Bolonja, Napoli e Bari, roli i të cilit në imagjinatën kolektive transformohet dhe rritet duke nisur nga viti 1991, me mbërritjen e anijes “Vlora” plot me 20.000 shqiptarë në arrati nga Vendi i Shqiponjave.
Vend i neorealizmit me aktorët e tij “të marrë nga rruga” është gjithashtu një set me fantazi për produksionet hollivudiane, nga Lufta dhe Paqja, i xhiruar në Piemonte, Pasioni i Krishtit, në Basilicata, tek Ferri në ditët tona. Komplote, vende, fytyra dhe aventura produksioni, me anë të të cilave kinemaja jonë ka vazhduar të frymëzojë breza të tërë artistësh. Italia sot i është rikthyer marrjes së çmimeve dhe ka bërë që bota të flasë për Bukurinë e saj të Pamasë.
Një bukuri e shumëllojshme dhe kontradiktore, asnjëherë konvencionale, që jeton në dhjetë “qytetet e kinemasë”: në Torino-n me Muzeun e saj, në Milano-n, shumë borgjeze dhe proletare në ekran, në Venezia-n dekadente dhe të festivaleve, në Bologna-n dhe Arkivin e saj të filmave, në Firenze-n me sytë drejt historisë, në Roma-n me kaosin e qetë e të përjetshëm, në Napoli-n e Totò-së dhe Gomorra-s, në Palermo-n konservatore dhe «hyjnore», në Bari-n kryeqytet të Lamerica-s dhe Matera-n kryeqytet të kulturës evropiane të vitit 2019.
Balkan Film Market ka nisur më 3 tetor dhe do të mbahet deri më 7 tetor. Ky festival mbledh në Tiranë agjenci e profesionistë të industrisë audiovizive nga Ballkani dhe nga Evropa. Një platformë e hapur për promovimin, financimin, shkëmbimin mes gjithë profesionistëve të sektorit. Programi përfshin Ëorkshop-e, prezantime dhe debate, tendenca dhe perspektiva të reja të zhvillimit rajonal.
Kush është Oscar Iarussi
Oscar Ianussi, eseist dhe kritik kinematografik, gazetar i “Gazzetta del Mezzogiorno”, bën pjesë në komitetin e ekspertëve të Mostrës së Kinemasë në Venecia; ka drejtuar Apulia Film Commission dhe ka qenë ideator i botimeve “Kufij. Hera e parë” (botues Laterza, 2011) dhe “Ti nuk e njeh Jugun”. Ai ka dhënë mësim në lëndët e Historisë së Kinemasë Amerikane dhe të Gazetarisë në Universitetin e Barit dhe në universitete të tjerë. Ndër librat e tij përmenden: “Fëmijëria dhe ëndrra. Kinemaja e Fellinit” (botues Ente dello Spettacolo), “Ciak si Puglia. Kinemaja e kufirit 1989-2012” (Laterza) dhe “Ishte dikur e ardhmja. Italia e ‘La Dolce vita-s’” (Il Mulino)2011.
