Etnik Brruti, mesfushori i Malishevës në Superligën e Kosovës zgjodhi të luante për Shqipërinë, duke lënë Kosovën U-21 paçka se mbante shiritin e kapitenit. Djaloshi 21-vjeçar pati shumë kritika në Kosovë për këtë vendim, ndërsa për herë të parë për këtë çështje foli edhe Armand Duka.
Kreu i FSHF-së tha se dera e Kombëtares është e hapur për këdo që e ndjen veten shqiptar. Ai shtoi se kanë aplikuar edhe për vizën angleze, që do të thotë se Sylvinho e dëshiron gati mesfushorin për dy ndeshjet e marsit kualifikuese për Kupën e Botës 2026. Më 21 mars Kombëtarja luan kundër Anglisë në Londër, teksa tre ditë më vonë në Tiranë mbërrin skuadra e Andorrës. Sfidat vlejnë për Grupin K kualifikues.
"Kalimi i lojtarëve nga Kosova te Shqipëria (rasti i Brrutit) - Pashë një status të babait të lojtarit dhe mendoj që ishte i duhuri. Akuza për mua apo FSHF-në ka në të dyja drejtimet, pse e keni marrë këtë lojtar apo pse nuk e keni marrë. Edhe kur i merr, edhe kur nuk i merr, gjysma e njerëzve janë pro dhe gjysma kundër. Nëse je i bindur që ke bërë më të mirën, duhet të vazhdosh ta bësh.
A e kam marrë unë Brrutin? Unë jam një nga ata që vendos për politikat e FSHF-së dhe një nga politikat tona është që dera e Kombëtares është e hapur për këdo. Ne marrim vetëm futbollistët shqiptarë, kushdo që ndihet shqiptar luan për ne.
Marrëdhënia me FFK? - Kam marrëdhënie të mira me të gjitha federatat e Europës, kurse me Federatën e Kosovës kam marrëdhënie vëllazërore.
Etnik Brruti – Në këndvështrimin sportiv, të gjithë ata që janë mbështetës të përfaqësueses së Kosovës mund të kenë një lloj të drejte, nëse futbollisti është një talent që mund të kishte kontribuar për ekipin që ata mbështesin. Në këtë këndvështrim kanë të drejtë. Në këndvështrimet e tjera nuk kanë të drejtë, sepse kushdo vendos vetë për veten. Nuk kemi pse mërzitemi, ne jemi bërë krenarë që Xhaka luan me Zvicrën, tani mërzitemi se pse Brruti luan me Shqipërinë. Brruti e ka marrë pasaportën dhe kemi aplikuar dhe për vizën angleze dhe uroj ta kemi në kohë.
Reagimi i trajnerit të U-21 të Kosovës - Nuk besoj se ka futbollistë që e kanë ëndërr të shkojnë në Rusi, po pa dyshim që nuk mund ta refuzojë një klub rus. Futbollistët kanë ëndërr të shkojnë në perëndim, në Angli, Gjermani, Itali, Spanjë, Spanjë. Por nëse karriera i çon në Rusi, mund të luajnë dhe aty. Nuk është ai qëllimi, qëllimi i djalit është që i ka pëlqyer të luajë me Shqipërinë. Ka dhe një shans të madh, ne do jemi pjesë e Kampionatit Europian U-21 2027.
Nëse vazhdon karrierën mirë, do të luajë në finalet e këtij kampionati, në karrierë nuk të jepet shumë mundësia kur luan me ekipe relativisht të mesme apo të vogla. Çfarë i ofron Brruti Silvinjos? Teknikisht nuk e njoh, vendosin trajnerët, drejtori teknik i FSHF-së. Nuk e kam parë ndonjëherë. Nuk kam formimin e duhur për ta njohur teknikisht", tha Duka për RTSH.
Komente
Lajme të tjera
-
'U mpiva nga emocionet', Shehu tregon për ftesën e Kombëtares! Arbër Hoxha: Anglinë mund ta befasojmë
17 Mars, 14:37 -
'Pa bileta për herë të parë pas 21 vitesh', 'Tifozat Kuq e Zi': Hakmarrje tipike e FSHF, nuk duam Evropianin me Serbinë!
17 Mars, 11:54 -
Grip shpendësh edhe te AIBA/ 65 mijë pula të ngordhura, s'dihet nëse janë asgjësuar dhe ku! Ministria pa transparencë edhe për REA's
17 Mars, 11:33 -
Befason Sylvinho, afron në Kombëtare tre futbollistët e Superligës! Bashkohen të hënën në grumbullim
16 Mars, 21:19 -
Ylli i ekipit mungon kundër Shqipërisë, në Angli konfirmojnë dëmtimin e Cole Palmer
16 Mars, 19:29 -
E 'kryqëzuan' për zgjedhjen, klubi nga Kosova lavdëron Etnik Brrutin: Shqiptarët kanë vetëm një komb
15 Mars, 21:31 -
Debuton ndaj Shqipërisë në moshën 32-vjeçare! Historia e Dan Burn, mbrojtësi pa një gisht i Anglisë
15 Mars, 18:21 -
Vora i falet një goli, Flamurtari 'poker' në udhëtim! Besa fiton në Pogradec, rezultatet dhe renditja në Kategorinë e Parë
15 Mars, 16:14 -
VIDEO/ Gjesti i veçantë i Sylvinhos, ndal konferencën dhe përqafon zyrtarin e FSHF-së! Duartrokitet nga gazetarët
15 Mars, 15:35 -
Nis ëndrra drejt Botërorit, lista e Sylvinhos plot risi dhe befasi! Ndeshjet kundër Anglisë e Andorës
15 Mars, 10:13 -
Europiani/ Trajneri Tedesco fton 21 lojtarë, Shqipëria U-17 nis nesër përgatitjet
14 Mars, 14:23 -
Superliga luhet në dy ditë, spikat Egnatia - Tirana! Agjenda e javës së 30-të, flasin protagonistët
14 Mars, 13:54
