Etrit Berisha: Kombëtarja është e shenjtë, të rinjtë ta ndjejnë fanellën

Në konferencën për shtyp para ndeshjes me Ukrainën, përveç trajnerit Panucci, doli edhe kapiteni Etrit Berisha, i cili u shpreh se për këtë takim, të gjithë lojtarët janë gati të tregojnë vlerat e tyre në fushë.

Sa përgjegjësi ka të jesh kapiten i Shqipërisë në këto momente?

Normalisht që është përgjegjësi, si për mua, por edhe për të gjithë të tjerët që vijnë këtu. Kombëtarja është diçka e shenjtë dhe të gjithë ne mundohemi të bëjmë detyrën tonë në mënyrën sa më të mirë të mundshme. Duhet që edhe të rinjtë ta ndjejnë fanellën po njësoj dhe më pas do të jemi edhe më mirë.

LEXO EDHE:
Edon Zhegrova në formacionin e vitit në Francë

Mendoni se jeni disi në borxh me tifozët, pas paraqitjes me Kosovën?

Me Kosovën është bërë ajo që është bërë, por nesër do të jetë një test edhe më i rëndësishëm për ne. Në dy ndeshjet e fundit kemi pasur probleme si me lojë, ashtu edhe me rezultat, ndërsa nesër do të provojmë të tregojmë se kemi kualitet. Me Kosovën nuk u futëm në lojë ashtu si duhet, përballë nëj kundërshtari që kishte një dëshirë të jashtëzakonshme për të bërë mirë. Gjithsesi unë besoj se Shqipëria ka një grup cilësor, që mund ta çojë kombëtaren në kampionatin Europian.

Mendon se ka ndryshuar disi klima, pas humbjes me Kosovën?

Pas ndeshjes të gjithë ishin të zhgënjyer me atë paraqitje. Pasi pamë lojën përsëritje, pamë se të gjithë mund të bënim më shumë në momente të caktuara. Të gjithë ishim dakord që nuk ishim paraqitur mirë dhe me siguri që do të ndryshojmë këtë që në ndeshjen me Ukrainën.

Ndjehet presioni i trajnerit te lojtarët, që në rast se nuk paraqiten mirë, mund të mos grumbullohen?

Ne jemi profesionistë dhe mendojmë të japim më të mirën, pasi kjo është e vetmja mënyrë për t’i shërbyer ekipit. Vetëm duke i shërbyer kombëtares, është e sigurt ftesa nga trajneri.

TAG:
• kosova
• kosova
• kosova
• kombetarja
• etrit berisha

Sondazhi i ditës:

Si e vlerësoni punën e qeverisë gjatë vitit 2024?

• Pozitivisht

  63.5%

• Negativisht

  28.1%

• Nuk kam mendim

  8.3%

Vota total: 1415

Votat totale janë unike

• Sondazhi i ditës:

  Si e vlerësoni punën e qeverisë gjatë vitit 2024?

  Pozitivisht Negativisht Nuk kam mendim