Euro 2020/ Italia e rekordeve s'e diskuton vendin e parë në grup, kualifikohet edhe Uellsi! Shaqiri 'dopietë', por Zvicra pret me zemër në dorë

Italia e Roberto Mancinit është kualifikuar si e parë në grupin A të Europianit. ‘Axurrët’ në ndeshjen e tretë dhe të fundit në këtë fazë kanë mposhtur minimalisht 1-0 Uellsin, që gjithashtu është kualifikuar si e dyta në këtë grup. Goli që vulosi ndeshjen u realizua në minutën e 39 nga mesfushori Pessina, i cili devijoi saktësisht një harkim të Verrati-t.

Pritej që goli të zgjonte Uellsin, por e kundërta ndodhi. Italia edhe pse me ndryshime rrënjësore në formacion arriti të dominonte deri në fund, por portieri bëri diferencën, duke mos lejuar që rezultati të ishte më i thellë. Përveç fitores dhe kualifikimit Italia me këtë ndeshje vendosi edhe një rekord, sepse në 30 takimet e fundit nuk ka asnjë humbje.

Ndërkohë në ndeshjen tjetër të këtij grupi Zvicra ka fituar me rezultatin 3-1 kundër Turqisë. Falë fitores ‘helevetët’ u ngjitën në kuotën e katër pikëve, po aq sa Uellsi, por u renditet të tretët për shkak të golavarazhit. Për ta parë nëse do të kualifikohen si një nga katër vendet e tretë më të mira Zvicra duhet të presë mbylljen e të gjithë grupeve, por premisat janë pozitive.

Përsa i përket sfidës ajo u zhbllokua fillimisht nga Seferovic, ndërsa më pas Xhaqiri dyfishoi me një supergol. Turqia ngushtoi përkohësisht në pjesën e dytë, por shqiptaro-zvicerani Shaqiri vulosi gjithçka me një tjetër perlë në minutën e 68.

Ne.k.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A po menaxhohet si duhet situata me zjarret në vend?



×

Lajmi i fundit

Ndërtimi i portit turistik të Durrësit, nënshkruhet memorandumi i bashkëpunimit! Investimi 2 miliardë dollarë

Ndërtimi i portit turistik të Durrësit, nënshkruhet memorandumi i bashkëpunimit! Investimi 2 miliardë dollarë