Euro 2020/ Qetësia olimpike e Jorginho-s ‘vret’ Spanjën, Italia në finale falë ‘ruletës ruse’! Shpërthejnë lotët në Wembley

Italia është finalistja e parë e kampionatit europian. ‘Axurrët’ e drejtuar nga Roberto Mancini kanë eliminuar me penallti në gjysmëfinalen e Londrës Spanjën, pasi 120 minutat duke përfshirë edhe shtesën u mbyllën me rezultatin 1-1.

Në Londër sfida nisi vrullshëm me të dy kombëtaret që patën raste të arta shënimi, por pjesa e parë u mbyll me porta të paprekura. Në fraksionin e dytë të lojës të parët që kaluan në avantazh ishin ‘axurrët’ falë Frederico Chiesa-s, që u tregua vrastar në zonë, duke mos i lënë mundësi reagimi mbrojtësve dhe portierit.

Në vijim La Roha e Enrique-s rriti ritmin dhe 10 minuta para fundit riktheu baraspeshën me Morata-n, që konkretizoi një aksion të denjë për librat shkollor me Dani Olmo-n.

Koha e mbetur në dispozicion ishte e pakët për të ndryshuar shifrat dhe ndeshja iu drejtuar fillimisht shtesës ku Spanja ishte më kërkuese, por në fund të 120 minutave ishin të domosdoshme penalltitë.

‘Ruleta ruse’ fillimisht nuk shkrepi mirë për Locatelli-n që gaboi penalltinë e parë për Italinë, ndërsa më keq akoma goditi Olmo për Spanjën. Më tej realizuan saktësisht Belotti, Moreno, Bernandescki, ndërsa më tej Morata nga hero u kthye në dështim, pasi Donaruma i kuptoi krahun.

Penalltinë vendimtare e mori përsipër Jorginho, që me qetësi olimpike mposhti Morenon dhe vulosi kualifikimin e Italisë në finale.

Në fund pati lot zhgënjimi në kampin spanjoll, ndërsa Italia duhet të presë gjysmfinalen tjetër Angli-Danimarkë për të mësuar kundërshtarin e finalës që luhet të dielën po në Londër.

 

Rendit zhvillimet sipas orarit:
Ora 23:45
Olmo dhe Morata gabojnë te penalltitë, Jorginho vulos fatin e Italisë! ‘Axurrët’ në finalen e Londrës

Italia ka shkuar në finale të kampionatit europian, pasi ka mposhtur 4-2 me penallti Spanjën. Lot në fund të ndeshjes te kombëtarja ‘La Roha’.

Ora 22:50
Koha e rregullt mbyllet pa fitues, shënojnë Chiesa dhe Morata! Itali-Spanjë shkon në shtesë

90+3’ Gjysmëfinalja Itali-Spanjë ka kaluar në shtesë. Koha e rregullt në Londër është mbyllur me shifrat 1-1

Ora 22:39
Aksion magjepsës me Olmon, Morata barazon shifrat! Itali-Spanjë drejt shtesës

80’ Alvaro Morata ka barazuar shifrat për Spanjën pak minuta para fundit të lojës së rregullt. Ishte një kombinim magjepsës me Dani Olmon që u konkretizua në mënyrën e duhur.

Ora 22:19
Chiesa bën magjinë në Wembley, kalon Italinë në avantazh kundër Spanjës

60’ Frederico Chiesa ka kaluar në avantazh Italinë kundër Spanjës. Sulmuesi italian ka realizuar një gol fantastic, duke shtangur jo vetëm mbrojtjen, por edhe portierin Unai Simon.

Ora 21:51
Pjesa e parë mbyllet me drithërima më portën e spanjollëve, Palmeri godet traversën

45’ Është mbyllur me porta ta paprekura pjesa e parë e gjysmëfinales Itali-Spanjë. Vlen për t’u theksuar një traversë në minutën e 44 të goditur nga mbrojtësi italian Palmeri.

Ora 21:00
Europa mban frymën, nis gjysmfinalja e kampionatit Europian mes Italisë dhe Spanjës

1’ Ka nisur në Wembley klasikja e Europës mes Italisë dhe Spanjës, që luhet për një biletë në finalen e madhe të ‘Euro 2020’.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Booo: 07/07/2021 00:09

    Sa fat kane keta italianet

    Përgjigju
  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Kur lindi ideja e projektit për resortet në Sazan? Përgjigjet Rama: Nuk negociojmë për interesa personale

Kur lindi ideja e projektit për resortet në Sazan? Përgjigjet Rama: Nuk negociojmë për interesa personale