POP 5

Lajmet më të lexuara të 5 minutave të fundit

Sport

Euro 2020/ Kroacia eliminohet në mënyrë dramatike, Spanja në çerekfinale me zemër në dorë! E pret Franca ose Zvivra

Tetë gola janë dashur të shënohen në përballjen Spanjë-Kroaci për të caktuar çerekfinalisten e kampionatit Europian. Më tej ka kaluar Spanja me shifrat 3-5 në shtesë, por vlen të theksohet se Kroacia e bëri dramatike sfidën.

Spanja është skuadra e pestë çerekfinaliste të kampionatit europian, pasi në fazën e 1/8 ‘La Roha’ ka mposhtur në shtesë me rezultatin 5-3 Kroacinë nënkampione të botës. Të besuarit e Luis Enrike e nisën mjaft mirë sfidën, por në minutën e 20 një top i kthyer pas nga Pedri u shndërrua në autogolin më qesharak të Euro 2020 për faj të portierit.

Goli bëri që Spanja të rriste akoma më shumë ritmin dhe në minutën e 38 baraspeshoi me Sarabian. Më tej Azpilicueta përmbysi shifrat para se ‘La Roha’ ti dërgonte në 3-1 me Ferran Torres në minutën e 77.

U mendua se gjithçka ishte e mbyllur, por Kroacia rizgjoi shpresat me Orsic, që realizoi me dhunë në minutën e 85. E pabesueshmja do të ndoshte në minutat shtesë kur Pasalic barazoi me kokë 3-3.

Në shtesë Kroacia e nisi vrullshëm, por ai që dërgoi topin në rrjetë ishte i shumëkritikuari Alvaro Morata. Për të vulosur shifrat përfundimtare të kësaj sfide që la tifozët me ‘zemër në dorë’ mendoi Oyarzabal. Në çerekfinale Spanja do të përballet me fituesin e çfitit Francë-Zvicër që luhet mbrëmjen e sotme.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12