EURO 2020/ Me pikë të plota pas katër ndeshjesh, sonte në fushë zbresin Italia dhe Spanja

Sot në mbrëmje rikthehen eliminatoret e kampionatit Europian ‘Euro 2020’ pasi skuadrat kombëtare të disa shteteve do të zbresin në fushë me synimin për të siguruar sa më shpejt kualifikimin. Një nga këto skuadra është Italia e cila në qytetin e Jerevanit do të luajë në transfertë kundër Armenisë.

‘Axurrët’ gjenden të parët në grupin e tyre me pikë të plota pas katër ndeshjesh dhe një trepikësh në këtë sfidë do të thoshte praktikisht kualifikim për në finalet e Europianit. Atmosfera në ekipin katër herë kampione bote është pozitive, por trajneri Roberto Mancini këtë herë ka zgjedhur të lërë jashtë grumbullimit Nicolo Zaniolo-n dhe Moise Kean, dy futbollistë të cilët janë penalizuar për sjelljen.

Në fushë sonte do të zbresë edhe Spanja e cila do të impenjohet në transfertë kundër Rumanisë. Ashtu si Italia edhe ‘La Roha’ është me pikë të plota pas katër ndeshjesh në grupin e tyre dhe një fitore do ti jepte shumë siguri për vendin e parë. Nga ana tjetër Rumania është në garë për vendin e dytë, ndaj sonte do të bëjë çështë e mundur për të mos dalë pa pikë nga kjo ndeshje.

Në Dublin, Irlanada e vendit të parë do të presë Zvicrën e Granit Xhakës dhe Xherdan Shaqirit, e cila aktualisht mban vendin e katërt në grup, por me dy ndeshje më pak.

Ne.k./b.ha./Shqiptarja.com

TAG:
• Spanja
• Italia
• euro 2020