Euro 2020/ 'Zgjohet' Spanja, shkatërron Sllovakinë dhe 'peshkon' Kroacinë në 1/8! Polonia mposhtet edhe në fund, Suedia e para e grupit E

Spanja i është përgjigjur kritikave me një fitore tenistike në ndeshjen e fundit të grupit E në Euro 2020. La Roha e drejtuar nga Luis Enrike ka shkatërruar me rezultatin 5-0 Sllovakinë dhe për pasojë është kualifikuar si e dyta në këtë grup.

Në Sevilje ndeshja u zhbllokua nga një autogol i pazakontë pak çaste para se Morata të kishte humbur penalltinë.

Pjesa e parë u mbyll edhe me golin e Laporte-s, ndërsa në fraksionin e dytë realizuan edhe Sarabia, Torres dhe një tjetër autogol. Në fazën e 1/8 Spanja do të përballet me Kroacinë të hënën e 28 qershorit në Kopenhagen në orën 18:00.

Ndërkohë si e para e këtij grupi është kualifikuar Suedia, që mposhti 3-2 në frymën e fundit Poloninë. Skandinavët morën epërsinë e dyfishtë në pjesën e parë, por ‘dopieta’ e Leëandoëski riktheu baraspeshën në minutën e 84. Nga ky moment polakët tentuan për të gjetur golin e kualifikimit, por rrugën e rrjetës e gjeti Claesson për Suedinë, që vulosi edhe shifrat përfundimtare.

Për pasojë të këtyre rezultateve është kualifikuar edhe Ukraina e grupit A, si një nga katër kombëtaret e vendeve të tretë më të mira. Ajo ka lënë pas Finlandën dhe Sllovakinë, që pavarësisht se kanë tre pikë i ndëshkon golavarazhi.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut