POP 5

Lajmet më të lexuara të 5 minutave të fundit

Sport

Euro 2020/ Zvicra bën befasinë e madhe, eliminon me 'ruletën ruse' Francën kampione bote! Gabon Mbappe

Zvicra ka bërë surprizën e madhe duke eliminuar Francën kampione botë nga Europiani. Pas 90 minutave të mbyllura me shifrat 3-3 skuadrat iu drejtuan shtesës dhe më pas penalltive ku gaboi vetëm Kylian Mbappe. Në çerekfinale Zvicra do përballet me Spanjën.

Franca, që ishte pretendetja kryesore për fitimin e kampionatit europian, është eliminuar nga Zvicra në fazën e 1/8 me penallti. Në Bukuresht 90 minutat e kohës së rregullt përfunduan me shifrat 3-3, por që brenda kishin shumë dramë.

Ndeshja fillimisht u zhbllokua nga Seferovic me kokë në minutën e 15 që shtangu ‘gjelat’. Të besuarit e Deschamps u përpoqën të reagonin, por në minutën e 55 ishin me shumë fat kur Rodriguez gaboi një penallti që u prit nga Lloris.

Episodi iu dha zemër kampionëve të botës të cilët më pas përmbysën shifrat me ‘dopietën’ e Benzemas që realizoi dy herë në harkun e 3 minutave. U duk se gjithçka përfundoi kur në minutën e 75 Poul Pogba realizoi ndoshta golin më të bukur të Europianit duke i çuar shifrat në 3-1.

Ndoshta edhe mendja më e çmendur u dorëzua pas këtij goli por Zvicra jo. Fillimisht Seferovic dhe më pas Gavranovic, që realizoi në minutën e 90, dërguan në shtesë ndeshjen që bëri me zemër tifozët e të dy skuadrave. 30 minutat nuk prodhuan asgjë, ndërsa te penalltitë ‘helvetët’ u treguan më të saktë. I vetmi që gaboi ishte Kylian Mbappe për Francën, duke i dhënë mundësinë Sommer të bëhej heroi i mbrëmjes.

Në fazën çerekfinale Zvicra do të përballet me Spanjën të premten më 2 korrik në stadiumin e Petersburgut në Rusi.

 

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46