Kombëtarja shqiptare e futbollit do zhvillojë dy ndeshjet e radhës kualifikuese për Evropianin 2024. Më 17 qershor në "Air Albania", kuqezinjtë presin Moldavinë (20:45) për grupin E, teksa më 20 luajnë në transfertë me Ishujt Faroe. Me zero pikë dhe një ndeshje më pak se kundërshtarët në grup, tanët e nisën keq me humbjen 1-0 kundër Polonisë.
Prej më shumë se një jave tanimë, skuadra është nën urdhërat e Sylvinhos, duke vijuar me përgatitjet në kryeqytet. Këtë të mërkurë për mediet folën Kristjan Asllani i Interit dhe Ylber Ramadani i Abeerden.
Asllani kërkon finalet e Evropianit, teksa për të ishte ëndërr finalja e Champions League, përjetuar me Interin në Stamboll pak ditë më parë.
"Ka qenë një emocion shumë i madh për mua të isha në atë finale, diçka që nuk i ndodh çdo futbollisti. Do të donim ta fitonim, por futbolli kështu e ka. Tani vëmendja te kombëtarja, ku duam të arrijmë objektivat tanë", tha mes të tjerash Asllani.
Nga ana tjetër, Ramadani tregoi se Sylvinho i ka studiuar moldavët dhe se duhet të luajnë shpejt me topin.
"Moldavia ka marrë rezultate pozitive dhe mbrohet shumë, ne duhet ta luajmë topin sa më shpejt që të gjejmë hapësira", tha Ramadani.
Ndeshja me Moldavinë, e vlefshme për grupin E kualifikues në Evropian është komentuar edhe nga Kristjan Asllani. Mesfushori i Interit pritet të jetë në fushë kundër Moldavisë të shtunë në "Air Albania". Finalja Champions dhe e ardhmja, këto janë disa nga temat që foli Asllani.
"Kam dy ditë që kam ardhur. E kam parë grupin shumë mirë dhe të gjithë janë stërvitur shumë fort. Po punojmë për t’i përgatitur sa më mirë dy ndeshjet e radhës, ku duam fitoren. Finalja Champions? Ka qenë një emocion shumë i madh për mua të isha në atë finale, diçka që nuk i ndodh çdo futbollisti. Do të donim ta fitonim, por futbolli kështu e ka. Tani vëmendja te kombëtarja, ku duam të arrijmë objektivat tanë. Moldavia do të na pres në gjysmëfushën e tyre dhe besoj se gjëja kryesore në këtë takim është të mbajmë topin sa më shumë", tha fillimisht Asllani.
Djaloshi nga Elbasani më pas foli edhe për të ardhmen dhe minutat e pakta te Interi, teksa kërkon që me kuqezinjtë të shkojë në fazën finale të Evropianit gjerman.
"Kam bërë pak minuta, por jam krah lojtarëve që më parë kisha ëndërr të luaj me ta. Kam marrë eksperiencën e duhur dhe shpresoj që ta vë në dispozicion të kombëtares. Kemi fituar dy trofe te Interi dhe kam marrë një eksperiencë të vlefshme. Unë jam lojtar i Interit dhe për mua kjo është një ëndërr. Do të vijoj të qëndroj te Interi edhe në të ardhmen. Mund të arrijmë shumë larg, pasi jemi një grup shumë i mirë, me lojtarë shumë të fortë. Duam të shkojmë në Europian, që është edhe ëndrra jonë", tha mesfushori.
Mesfushori i Kombëtares, Ylber Ramadani foli për mediet para ndeshjes me Moldavinë, e vlefshme për Europianin 2024. 27-vjeçari u shpreh se në futboll nuk ka asnjëherë favorit, por gjithmonë duhet të japësh 100% në fushë.
"Duhet ta marrim ndeshjen e parë me seriozitet dhe të futemi për ta fituar dhe të japim 100% nga vetja. Moldavia ka marrë rezultate pozitive dhe mbrohet shumë, ne duhet ta luajmë topin sa më shpejt që të gjejmë hapësira. Jemi profesionist dhe jemi përgatitur për çdo gjë, kemi dhe këto dy ndeshje pastaj përfundon sezoni për ne", tha Ramadani.
Më pas, i pyetur sesi mund t'i shënosh moldavëve, mesfushori tha se duhet dëgjuar këshilla e trajnerit.
"Është ekip që luan shumë në mbrojtje dhe ne duhet të bëjmë atë që thotë trajneri, pasi ai e ka studiuar lojën. Tani në futboll nuk ka favorit, por duhet të japësh maksimumin dhe ta fitosh ndeshjen. Në këtë ndeshje duhet të shënojmë dhe të marrim tre pikët. I ftojmë të gjithë tifozët anë e mbanë të vijnë të na përkrahim, pasi me ndihmën e tyre e kemi më të lehtë", tha Ramadani.
Lajme të tjera
-
Renditja/ Superliga mbyll vitin 2024, Teuta barazon pa gola me Bylisin! Tifozët numërohen me 'gishtat e një dore'
22 Dhjetor, 19:07 -
Interi refuzon 25 milionë euro për Kristjan Asllanin
20 Dhjetor, 16:03 -
Superliga, fillon sot akti i fundit për 2024! Ndeshjet në tre ditë, dy duele kyçe
20 Dhjetor, 11:16 -
Mrekulloi me supergolin, Asllani: S'më kishte ndodhur më parë, Interi me grup fantastik
20 Dhjetor, 08:49 -
GOLAT/ Kristjan Asllani shënon direkt nga goditja e këndit, Interi 'likuidon' Udinesen dhe shkon në çerekfinalet e Kupës
20 Dhjetor, 08:32 -
Gol i çmendur i Asllanit, shënon nga goditja e këndit në Kupën e Italisë (VIDEO)
19 Dhjetor, 22:07 -
Dhunë në futbollin e femrave, Disiplina pezullon 15 ndeshje drejtoreshën e Gramshit, goditi lojtaret e Partizanit
19 Dhjetor, 18:11 -
'Klanet, korrupsioni dhe arroganca e organizatorëve!', Barrikada FC tërhiqet nga çdo garë e FSHF dhe Sunday League Albania
18 Dhjetor, 14:52 -
U plagos gjatë përleshjes ku u vra Martin Cani, FSHF i ofron fizioterapi dhe trajtim të specializuar 14-vjeçarit: Do mbulohen të gjitha shpenzimet!
18 Dhjetor, 09:57 -
E konfirmojnë në Itali, Juventusi futet në garë për Cristian Shpendin! Vëzhgues në disa ndeshje
16 Dhjetor, 17:02 -
Komiteti Ekzekutiv i UEFA-s mban mbledhjen e fundit për vitin 2024, të gjitha vendimet që u morën
16 Dhjetor, 15:20 -
Evropiani U-21 mes Shqipërisë dhe Serbisë, UEFA s'e shqyrton çështjen! Burime: Është shtyrë në shkurt
16 Dhjetor, 14:07
