POP 5

Lajmet më të lexuara të 5 minutave të fundit

Sport

Euro 2024/ Plani i Spalletit:​ Italiani më i mirë kundër Shqipërisë mbetet në stol ndaj Kroacisë

Spalleti me shumë mundësi do të lërë në stol sot ndaj Kroacisë, anësorin Federico Chiesa, i cili ishte në hije në ndeshjen me Spanjën.

Euro 2024/ Plani i Spalletit:​ Italiani më i mirë kundër Shqipërisë mbetet në stol ndaj Kroacisë

Tekniku italian Luciano Spalleti

Kroacia dhe Italia do të luajnë një ndeshje vendimtare për kalimin e grupit sot në mbrëmje në orën 21:00 në Leipzig. 

Pas dy takimeve të para, Spanja ka gjashtë pikë, Italia tre, Shqipëria dhe Kroacia nga një pikë. 

Me një fitore kundër Italisë, Kroacia me siguri do të ishte e dyta. E vetmja gjë që mund të prishë planin e saj është Shqipëria nëse mundin Spanjën. Mes këtyre dy kombëtareve do të vendoste më pas diferenca e golave dhe Shqipëria për momentin është më mirë me dy gola avantazh.

Megjithatë, edhe nëse Shqipëria do të përfundonte përpara tyre, me katër pikë si e dyta, Kroacia do të siguronte praktikisht 1/8-finalëshin. Në atë skenar, italianët do të eliminoheshin nga grupi. Në rast barazimi, Kroacia ende luan vetëm në teori. 

Pas fitores ndaj Shqipërisë në turin e parë, Italia ka zhgënjyer ndaj Spanjës dhe humbja vetëm 1:0 është mashtruese. Duke marrë parasysh atë që u pa, Furija e Kuqe mundi t'i kalonte Azzurët me disa pjesë, portieri i të cilëve Donnarumma ishte lojtari më i mirë.

Trajneri italian Luciano Spalletti do të vendosë të bëjë ndryshime të shumta për ndeshjen me Kroacinë dhe një nga viktimat e lojës së dëshpëruar ndaj ‘La Roja’ mund të jetë një nga yjet më të mëdhenj të Azzurëve, Federico Chiesa. 

Chiesa ishte një nga heronjtë e fitores së Evropianit tre vjet më pare nga Italia dhe ndaj Shqipërisë në sfidën e parë u shpall lojtari i ndeshjes.

Megjithatë, ndaj Spanjës ai ishte një nga më të dobëtit dhe ishte totalisht i padukshëm për 64 minutat që kaloi në fushë dhe sipas mediave italiane, trajneri Luciano Spalletti po mendon seriozisht ta ul atë në stol.

Siç shkruan Corriere dello Sport, Spalletti-t i pëlqen ideja që Chiesa ta nisë ndeshjen kundër Kroacisë nga pankina, e më pas ta futë në lojë në gjysmën e fundit. 

Të njëjtat media shkruajnë se do të ishte një vendim logjik i Spalletti-t, pasi starti ndaj Kroacisë do të ishte i treti në nëntë ditë, gjë që do të ishte një barrë e madhe për anësorin e Juventusit, i cili gjatë gjithë sezonit ka luftuar për të gjetur formën e duhur pas dëmtimit të rëndë të ligamentit të kryqëzuar në janar 2022./ Kosova press

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29