POP 5

Lajmet më të lexuara të 5 minutave të fundit

Sport

Euro 2024/ Spanja përmbys 4-1 surprizën Gjeorgji, në çerekfinale e pret Gjermania

Spanja fitoi 4-1 kundër Gjeorgjisë në 1/8 e Euro 2024 dhe merr biletën e radhës për në çerekfinale, aty ku gjen përballë Gjermaninë.

Euro 2024/ Spanja përmbys 4-1 surprizën Gjeorgji, në çerekfinale e pret Gjermania

Spanjë 4-1 Gjeorgji

KËLN - Spanja fitoi 4-1 kundër Gjeorgjisë në 1/8 e Euro 2024 dhe merr biletën e radhës për në çerekfinale, aty ku gjen përballë Gjermaninë. Ndeshja në Këln dhuroi një moment surprizues, teksa "Furia e Kuqe" ia doli të përmbyste dhe t'i priste hovin një Gjeorgjie debutuese në këtë event.

Ndeshja/ Dueli nisi me surpriza. Ishte Gjeorgjia që në minutën e 18-të kaloi në avantazh me autogolin e Le Normand, teksa kishte edhe disa raste të tjera për të dyfishuar, por Kvaratskhelia dhe Mikautadze nuk u treguan të saktë. Goli i barazimit erdhi në minutën e 39-të nga Rodri, që me një gjuajtje të bukur nga kufijtë e 16 metrave mbylli pjesën e parë 1-1.

Fraksioni i dytë u dominua më pas nga të besuarit e de la Fuente, që gjetën epërsinë me Fabian Ruiz në të 51 minutë. Më pas ishte Nico Uilliams që në minutën e 75-të vulosi kalimin për më tej, ndërsa kishte kohë edhe për golin e Dani Olmo shtatë minuta para fundit.

Kështu, Spanja eliminon Gjeorgjinë dhe në çerekfinalet e Euro 2024 gjen organizatorët e Gjermanisë, duel që zhvillohet në Stuttgart në datën 5 korrik, duke nisur nga ora 18:00.

Deri në këto moment janë mësuar dy çiftet e para çerekfinaliste. Anglia luan me Zvicrën dhe Spanja me Gjermaninë. Ndërkohë që të hënë zhvillohen dy takime. Në 18:00 Francë - Belgjikë dhe në 21:00 Portugali - Slloveni.

Formacionet zyrtare:

Spanjë: Unai Simon, Carvajal, Le Normand, Laporte, Cucurella, Fabian Ruiz, Pedri, Rodri, Yamal, Ëilliams, Morata.

Gjeorgji: Mamardashvili, Dvali, Kashia, Gvelesiani, Lochoshvili, Kakabadze, Kiteishvili, Chakvetzade, Kochorashvili, Mikautadze, Kvaratskhelia.

Notat e ndeshjes, Fabian Ruiz më i miri në fushë:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46