/ATSH-AFP/ - Një kryq i thyer, i dukshëm në fushën e stadiumit të Splitit gjatë ndeshjes së të premtes, e vlefshme për Euro 2016 mes Kroacisë dhe Italisë ka detyruar Federatën Krotate të Futbollit (HNS) të paraqesë falje publike.
"Ne paraqesim falje publike ndaj spektatorëve, të ftuarve të ardhur nga Italia dhe lojtarëve të dy ekipeve", deklaroi HNS-ja në një komunikatë për shtyp.
Një zvastika ishte e dukshme gjatë pjesës së parë të ndeshjes në fushën e stadiumit "Poljud".
Punonjës të stadiumit ndërhynë gjatë pushimit për të fshirë kryqin e thyer.
Takimi, që përfundoi me rezultatin 1-1 (grupi H), u luajt në një stadium bosh për shkak të sanksioneve që kishte vendosur UEFA kundër ekipit kroat.