POP 5

Lajmet më të lexuara të 5 minutave të fundit

Ekonomi

Meta refuzon Ruçin për Eurobondin: Nuk është emergjencë

Presidenti Ilir Meta ka refuzuar kërkesën e Gramoz Ruçit për të miratuar menjëherë ligjin për marrjen e eurobondit 650 milionë euro. Sipas Metës as në as në projektligj dhe as në relacion nuk sqarohen arsyet e kësaj emergjence për të marrë këtë borxh.

Presidenti i vendit Ilir Meta ka refuzuar kërkesën e kryetarit të Kuvendit Gramoz Ruçi për dekretimin menjëherë të ligjit për marrjen e eurobondit.  Më 1 qershor Ruçi kërkoi që ligji të miratohej pa vonesë në mënyrë që të dalim në tregjet e huaja për emetimin e eurobondit 650 milionë euro në këtë muaj.

Por presidenti Meta, shprehet se as në projektligj dhe as në relacion nuk sqarohen arsyet e kësaj emergjence për të marrë këtë borxh. Presidenti po ashtu thotë se në të dyja këto dokumente nuk janë të shpjeguara përfitimet që do të kemi nga ky përshpejtim i ligjit për të dalë në tregjet e huaja në muajin qershor  dhe sipas tij nëse do të ishte domosdoshmëri qeveria duhet të kishte punuar më para.

Shqetësim tjetër që ngre Meta është edhe përjashtimi nga detyrimet tatimore i çdo transaksioni që do të bëhet për emetimin, mbajtjen, ruajtjen dhe tregtimin e eurobondeve, ku sipas tij mund të cenohen parimet kushtetuese pasi ende nuk jemi në dijeni për kushtet e negocimit të marrëveshjes. Për këto arsye Meta e quan të pajustifikuar kërkesën për dhënie pëlqimi për hyrje menjëherë në fuqi të ligjit.

Meta në arsyetimin e tij thotë se Banka e Shqipërisë duhet të vlerësoj në mënyrë të thelluar nëse vendi është gati të dalë tani në tregjet ndërkombëtare pasi nuk ka avantazhet që kishte përpara pandemisë COVID-19. Presidenti argumenton se Ministria e Financave duhet të studiojë situatën me kujdes, dhe të emetojë Eurobondin në një moment të dytë nëse kushtet aktuale të tregut nuk janë të leverdishme për shkak të situatës.

Kritika tjetër e presidentit është edhe përfshirja në këtë proces i Ministrit të Rindërtimit Arben Ahmetaj, i cili nuk e ka këtë përgjegjësi pasi e posedon vetëm Ministria e Financave.  Eurobondi i katërt prite të jetë 650 milionë euro dhe do të jetë me maturim 7 deri në 10 vite, ku 250 milionë euro do të përdorën për shlyerjen e eurobondit të vitit 2015.

Kerkesa e kreut te Kuvendit Gramoz Ruçi

Kthimi i pergjigjes nga Presidenca

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tope: 04/06/2020 09:39

    E gjith ekonomia kapitaliste kështu fuksionon. Në komunizëm nuk lejohej me ligj marrja e borxhit dhe shteti merrte borxh në form kredie që i shlyente më vonë. Kjo është thjesht vendim politik dhe që rrezikon ekonomin e Shqiperis thjesht për tekat e Ilirit apo të themi më mirë që ai po i bën presion shtetit që mos u merrni me parat dhe pronat e pista të mijat dhe unë vazhdoj bëj punën konform ligjeve si president. Shumkush nga ju ka harruar që presidenti e ka me ligj që duhet të firmos vendimet e marra nga kuvendi apo nga Kryeministri pra nuk udhëheq apo drejton ekonomin Iliri. Ai vetëm shkel ligjin duke mos firmosur dhe që nuk është hera e parë. Ai thjesht kërkon që të dëmtoj ekonomin duke ja faturuar kështu këtë dëm kësaj mazhorance.

    Përgjigju
  • Andoni K.: 03/06/2020 21:55

    Dua të ndaj me ju një spekulim këtu. Ju lutem, mos e merrni seriozisht. Ky është vetëm një skenar: Rama i shpallur Skavica do të ndërtohej nga Shteti. Projekti Skavica do t'i kushtojë shtetit 600 milion EUR. Ndërmarrja e ndërtimit e Erdoganit Limak, Kolin, Kalyon, Cengiz është në pritje të këtyre parave për të ndërtuar Skavica. Këto janë konstante në ekuacion. Variablat e "stilit shqiptaro-turk" ju mund të llogaritni :-)

    Përgjigju
  • LShI: 03/06/2020 14:28

    Nese e kthen, "nuk ka problem", d.t.th. se LALZI do mbuloje rrogat, shpenzimet, borxhi e jashtem e te brendeshem, si edhe kredite, me nje afat deri kur te kaloje Kriza, Krize qe ka Italia, Franca e SHBA + shume vende te tjera. Bravo je Kursimtar i mire ;)

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46