POP 5

Lajmet më të lexuara të 5 minutave të fundit

Ekonomi

Eurobondi e kreditë për COVID-in rritën borxhin e jashtëm! BSH: Në fund të qershorit arriti në 8.9 mld euro

Rritet me 710 milionë euro borxhi i jashtëm i vendit në tremujorin e dytë të vitit, krahasuar me periudhën Janar-Mars. Sipas Bankës së Shqipërisë borxhi i jashtëm në fund të qershorit arriti në 8.9 miliardë euro, dhe ndikim të madh dha eurobondi dhe kreditë e marra për COVID-19.

Borxhi i jashtëm bruto i vendit në 6 muajit e parë të vitit u rrit me 346 milionë euro, krahasuar me një vit më parë. Ndikimi më i madh pati marrja e huave për të përballuar pasojat pandemise dhe eurobondit prej 650 milionë eurosh.

Të dhënat e Bankës së Shqipërisë flasin për një rritje me 8.6% të borxhit vetëm në periudhën Prill-Qershor, krahasuar me 3-mujorin e parë të vitit.Në fund të muajit qershor borxhi i jashtëm arriti 8.9 miliardë euro nga 8.1 miliardë lekë që ishte në fund të marsit të këtij viti, duke u rritur me 710 milionë euro. 

Barra më e madhe e borxhit është e qeverisë së përgjithshme, e cila u rëndua më shumë në këtë tremujorë të dytë si pasojë e marrjes së kredisë nga Fondi Monetar Ndërkombëtar në vlerën e 174 milionë eurove dhe eurobondi që u emetua në muajin qershor.Pjesa më e madhe ose mbi 80% e borxhit të jashtëm është me terma afatgjatë pra shtrihet në disa vite. 

Kjo rritje e borxhit për qeverinë, Bankën e Shqipërisë dhe ekspertët është i pranueshëm për të kapërcyer krizën që po shkakton pandemia. Ndërkohë në total sipas Ministrisë së Financave në 6 muaj borxhi publik  kapërceu shifrën e 80% të prodhimit të brendshëm bruto.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Vendimet e Qeverisë/ Vlerësohen me pension të posaçëm shtetëror 15 personalitete nga fusha e artit, kulturës, muzikës dhe sportit! Ja sa do marrin dhe EMRAT

Vendimet e Qeverisë/ Vlerësohen me pension të posaçëm shtetëror 15 personalitete nga fusha e artit, kulturës, muzikës dhe sportit! Ja sa do marrin dhe EMRAT

26 Dhjetor, 21:56