Lazio arriti fitoren e katërt radhazi duke mundur 1-0 francezët e Nicë falë një autogoli në fund dhe kalon më tej ndërsa Zulte Varengem mposhti 2-0 Viteshen në Hollandë në ndeshjen e vlefshme për grupin K.
Zeniti rus barazoi 1-1 në Norvegji ndaj Rosemborg dhe me 10 pikë kryeson grupin L duke kaluar më tej në fazën me eliminim direkt. FC Steaua e Bukureshitit barazoi 1-1 në Rumani ndaj Hapoel Ber Sheva dhe kaq mjafton për tu kualifikuar. Ndërsa Viktoria Pëlzen mposhti 4-1 Luganon dhe ngjitet e dyta në grupin G.
Zhgënjen Milani që barazoi pa gola ndaj AEK Athinës dhe shtyn kualifikimin për më tej.Për ndeshjen tjetër e shtyu kualifikimin edhe Atalanta që barazoi 1-1 ndaj Apollon të Qipros. Olimpiku I Lionit mposhti 3-0 Everton duke bashkëkryesuar grupin me 8 pikë me Atalantën ndërsa Everton është i eliminuar.
Dinamo Kiev e mposhti 1-0 Jang Bojsin në Zvicër dhe kualifikohet për në fazën tjetër pasi kryeson grupin B me 10 pikë. Grupin A të Europa League e kryeson Villareal me 8 pikë pasi mposhti Sllavian e Pragës 2-0 në transfertë.
Redaksia Online
l.q/Shqiptarja.com