POP 5

Lajmet më të lexuara të 5 minutave të fundit

Sport

Europa League/ Romën kundër Ludogorets e shpëton vetëm fitorja, Mourinho: S'e duam më Conference League! Për Ballkanin ndeshja e fundit në Europë

Sonte do luhen ndeshjet e fundit të fazës së grupeve në Europa League, me dy skuadrat italiane Romën dhe Lazion që rrezikojnë shumë të kalojnë në fazën tjetër. Ndërkohë për Conference League Ballkani i Kosovës do mbyllë aventurën në Europë në Rumani kundër Cluj.

Roma e Jose Mourinho-s do luajë sonte në orën 21:00 një ndeshje tejet delikate kundër Ludogorets, që duhet fituar patjetër, pasi në të kundërt aventura në Europa League mbyllet që në fazën e grupeve. Betis është i kualifikuar më herët, ndërsa Ludogorets dhe Roma renditen të dytët dhe të tretë me 7 pikë, por italianët kanë disavantazhin e përballjeve direkte pasi në Bullgari kanë humbur 2-1. Në konferencën për shtyp Mourinho ka deklaruar se ‘nuk dëshiron të zbresin në Conference League’ dhe beson se stadium plot do jetë një forcë e madhe për Romën.

Ndërkohë një ndeshje të komplikuar ka edhe Lazio në grupin e saj, por të besuarve të Sarri-t do t’u mjaftonte edhe një barazim kundër Feynoord në Holandë. Lazio udhëheq grupin me 8 pikë, po aq sa Sturm Graz që sonte luan kundër Midtjylland në Austri. Në ndeshjen e parë kundër holandezëve Lazio ka fituar 4-2 dhe sonte për rrjedhojë i bën punë edhe një humbje minimale me 1 gol diferencë në rast se Midtjylland nuk fiton kundër Sturm Graz.

Në fushë sonte zbresin edhe Manchester United me Arsenal, por të dy skuadrat angleze e kanë siguruar kualifikimin me kohë. Gjithsesi për United kundër Sociedad me interes është fitorja, pasi vendi i dytë e përplas me skuadrat e mëdha që vijnë nga Champions League. Për Arsenalin vendi i parë është i sigurtë dhe Zurich trajneri Arteta ka mundësinë për të parë lojtarët e rinj.

Sakaq sonte do jetë nata e fundit europiane për Ballkanin e Suharekës që drejtohet nga Ilir Daja. Skuadra e kampionatit nga Kosova tashmë është e eliminuar, por ka udhëtuar në Rumani për të lënë shenjë kundër Cluj.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Operacionet kundër krimit të organizuar dhe të kërkuarve, Operacionalja dhe FAST Albania bëjnë trajnime të përbashkëta: Taktikë dhe vetëmbrojtje

Operacionet kundër krimit të organizuar dhe të kërkuarve, Operacionalja dhe FAST Albania bëjnë trajnime të përbashkëta: Taktikë dhe vetëmbrojtje

17 Nëntor, 22:21