POP 5

Lajmet më të lexuara të 5 minutave të fundit

Bota

Europa Perëndimore nën 'pushtetin' e ujit, numri i viktimave shkon mbi 150, Presidenti gjerman: Shkalla e shkatërrimit, tronditëse

Vijon të rëndohet bilanci i viktimave nga përmbytjet në Europën Perëndimore, ku numri i viktimave ka shkuar mbi 150, ndërsa qindra të tjerë rezultojnë të zhdukur. Deri më tani vetëm Gjermania ka raportuar 133 viktima, ndërsa në Belgjikë janë shënuar rreth 20 viktima. Po ashtu reshje të dendura shiu kanë përfshirë edhe Zvicrën, Luksemburgun e Holandën, ku kryeministri Mark Rutte ka shpallur gjendjen e katastrofës kombëtare në një provincë jugore.

Vijon të rëndohet bilanci i viktimave nga përmbytjet në Europën Perëndimore, ku numri i viktimave ka shkuar mbi 150, ndërsa qindra të tjerë rezultojnë të zhdukur. Deri më tani vetëm Gjermania ka raportuar 133 viktima, ndërsa në Belgjikë janë shënuar rreth 20 viktima. Po ashtu reshje të dendura shiu kanë përfshirë edhe Zvicrën, Luksemburgun e Holandën, ku kryeministri Mark Rutte ka shpallur gjendjen e katastrofës kombëtare në një provincë jugore.

Sipas BBC, Presidenti Gjerman, Frank-Walter Steinmeier tha se ishte "tronditur" nga shkalla e shkatërrimit të shkaktuara nga përmbytjet. "Vende të tëra janë dëmtuar nga katastrofa. Shumë njerëz kanë humbur atë që kishin ndërtuar gjithë jetën e tyre", ka thënë ai pas një vizite në një nga rajonet e prekur.

Në Gjermani, puna e ekipeve të shpëtimit u pengua nga kushtet e vështira të motit ditën e djeshme, duke pezulluar punën për disa orë. Rrjetet telefonike janë prishur në rajonet e prekur dhe rrugët janë dëmtuar rëndë, ndërsa landet më të prekur janë Nordrhein-Westfalen, Rheinland-Pfalz dhe Saarland.

Në Belgjikë, ushtria ka shkuar në 10 provincat e vendit për të ndihmuar në shpëtimin dhe evakuimet, ndërsa kryeministri Alexander De Croo tha se këto përmbytje "janë më katastrofiket që ka parë vendi". Në Holandë, mijëra njerëz u larguan nga shtëpitë e tyre në provincën Limburg.

Udhëheqësit evropianë kanë fajësuar motin ekstrem në ndryshimin e klimës, ndërsa ekspertët thonë se bota tashmë është ngrohur me rreth 1.2C që nga epoka industriale.

/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça