European Space Agency do të lëshojë në hapësirë muajin tjetër një satelit i cili do të mund të vështrojë asteroidët të cilët i drejtohen Tokës.

Këto asteroidë që lëvizin ndërmjet Diellit dhe Tokës, si ai i cili goditi qytetin Chelyabinks të Rusisë gjatë shkurtit, nuk mund të shikohen nga astronomët për shkak të rrezatimit të fortë të diellit që verbon teleskopët në Tokë.

Ky satelit, i quajtur Gaia, do të qëndrojë në orbitën e Tokës, 145 milionë kilometra largë.

Megjithatë, misioni kryesor i satelitit që kushtoi gati 1 miliardë euro, do të jetë të krijojë një hartë të saktë 3D të galaksisë tonë, Rruga e Qumështit.

Shkencëtarët shpresojnë se duke krijuar një hartë të detajuar të yjeve, ata do të kenë një mjet që t’i ndihmojë të studiojnë formimin e Rrugës së Qumështit.

Por besohet se gjatë misionit 5 vjeçar, Gaia do të zbulojë planete të rinj, trupa të akullt jashtë Sistemit tonë Diellor si dhe Supernova të ndryshme.

Redaksia Online
(Erin Dini/a.ç/shqiptarja.com)
Redaksia Online
(Erin Dini/a.ç/shqiptarja.com)