POP 5

Lajmet më të lexuara të 5 minutave të fundit

Sport

Europiani/ Hera e parë përmes një grupi “ferri”! Legjionarët që shkojnë për herë të dytë

Kombëtarja, ndryshe nga 2016, ka mundësinë për të shkuar në Europian si vendi i parë në kualifikuese. Mirëpo ndryshe nga kjo fushatë, 8 vite më parë kuqezinjtë kishin një grup ferri. Vetëm 4 kuqezi do kenë mundësinë për të shkuar

Europiani/ Hera e parë përmes një grupi “ferri”! Legjionarët që shkojnë për herë të dytë

Goli i vetëm i Shqipërisë në Europian

Pika e fituar në Moldavi, me rezultatin 1-1 dhe falë penalltisë së ekzekutuar nga Cikalleshi, e dërgoi kombëtaren për herë të dytë në Europian. Kuqezinjtë për herë të parë e bënë ëndrrën realitet nën drejtimin e italianit Gianni de Biasi, në vitin 2015.

Asokohe kuqezinjtë ndodheshin në një grup shumë të ndërlikuar me kundërshtarë tepër të fortë. Përveç Portugalisë ishin edhe Danimarka e Serbia, ndërsa grupin e mbyllte Armenia, një tjetër rival që nuk mund të nënvlerësohej aspak. Mrekullia nisi që në ndeshjen e parë, teksa një supergol i Balajt i dha kuqezinjve 3 pikët kundër Portugalisë në transfertë.

Gjithsesi përballja deçizive ishte ajo në Serbi, ku për shka të rrëmujave, racizmit dhe dhunës Shqipëria e fitoi në CAS 3-0 ndeshjen në tavolinë. Kuqezinjtë në ate periudhë pësuan vetëm 2 humbje, po në ‘Elbasan Arena’, kundër Portugalisë dhe më pas Serbisë. Në fund eliminatoret kuqezinjtë i mbyllën në vendin e dytë me 14 pikë, 7 më pak se Portugalia e vendit të parë që më pas do fitonte Europianin dhe 2 më shumë se danimarka e vendit të tretë.

Në grupet e Europianit, në qershor të 2016, Shqipëria do përballej me Zvicrën, Francën dhe Rumaninë. Me këtë të fundit kuqezinjtë morën 3 pikët e vetme falë golit të Armando Sadikut.

Mirëpo tani është ndryshe. Kuqezinjtë e Sylvinho-s e kanë siguruar kualifikimin, por me 1 pikë kundër Ishujve Faroe do siguronin edhe vendin e parë në grup. Bileta për në Gjermani, nisi në malore, pasi në debutimin e trajnerit brazilian, kuqezinjtë u mposhtën 1-0 në transfertë nga Polonia. Më tej kombëtarja nisi rrugën e suksesit, duke fituar me Moldavinë në Air Albania dhe Ishujt Faroe në transfertë.

 

Në muajt pasardhës ishte barazimi 1-1 në Çeki dhe fitorja 2-0 ndaj Polonisë në Tiranë. Në tetor rradhën e pati Çekia, që në Arenën Kombëtare u thye keqazi 3-0. Në këto eliminatore Air Albania ka rezultuar fortezë, pasi janë fituar 3 nga 3 ndeshje dhe s’është pësuar asnjë gol, ndërkohë që janë realizuar 7.

 

Për herë të dytë me fanellën e kombëtares në Europian do shkojnë Etrit Berisha, Elseid Hysaj, Arlind Ajeti dhe Sokol Cikalleshi. Pjesa tjetër luan emocionet e jashtëzakonshme për herë të parë.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu