Kompania e sigurimeve Eurosig dhe Kombëtarja Shqiptare, dy histori suksesi të destinuara t'i drejtohen Evropës. Kështu i përkufizoi Presidenti i Eurosig Kadri Morina sukseset e arritura nga kompania e sigurimeve dhe përfaqësuesja shqiptare, gjatë eventit ku u promovua trajneri Xhani De Biazi si imazh i fushatës së Eurosig.
 
Gjatë fjalës së tij, Morina tha, se pikërisht si kombëtarja, me 10 milionë klientë në trevat shqiptare, Eurosig është kthyer në përfaqësuese të shqiptarisë, por me synim zgjerimin drejt Evropës.

"Ashtu si skuadra e suksesit historik që ka djemt e saj nga çdo trevë shqiptarie, edhe ne  do kemi kudo që jetojnë shqiptarët, pjesëmarrës të familjes tonë në Prishtinë, Tetovë, Korçë, Shkodër, Gostivar, Suharekë. Sa herë që do të kujtojnë kombëtaren do të nënkuptojnë Eurosigun për arsse se aty është ideatori që çoi kombëtaren në Europë. Ashtu si shumë shpejt De Biasi do ta garantojë që kompania e Eurosig do të jetë në Europë, do sfidojë tregjet dhe do jetë shumë ekspasioniste në tregun europian," tha Morina.

Duke folur për rrugëtimin e kombëtares drejt evropianit të Francës, De Biazi theksoi ambiciet e tij për vazhdimësi të rezultateve pozitive.

"Shpresojmë që së bashku do të ecim  për shumë kohë dhe t'i gëzohemi punë së përbashkët që bëjmë çdo ditë. Asgjë nuk ndodh rastësisht në jetë. Zoti Morina ka punuar fort për të qenë në krye të një kompanie prestigjoze ashtu si djemtë që sot e sollën Shqipërinë në Evropë të cilëve u është dashur të punojnë fort," u shpreh trajneri i kombëtares.

Gjatë eventit u shfaqën pamjet e spoteve publicitare që do të hidhen në treg nga Eurosig, imazhi qendror i të cilave është trajneri Xhani De Biasi dhe Kombëtarja Shqiptare.

Redaksia online
(u.s/shqiptarja.com)