Evakuohet qyteti i shenjtë në Indi, banorët: Po na fundoset toka nën këmbë

Autoritetet indiane kanë evakuuar qindra njerëz nga shtëpitë e tyre në qytetin Joshimath në shtetin verior të Uttarakhand, një vend i cili është i popullarizuar nga pelegrinët dhe nga turistët, për shkak të rrëshqitjeve të tokës.

Shkaku i përmbytjes në Joshimath ishte i paqartë, por banorët ia vënë fajin ndërtimit të rrugëve dhe tuneleve për një projekt hidroelektrik aty pranë.

Rreth 1,890 metra mbi nivelin e detit, qyteti Joshimath është një portë për në Badrinath dhe Hemkund Sahib, vende kryesore pelegrinazhi hindu dhe sikh në Himalaje, duke tërhequr dhjetëra mijëra besimtarë çdo vit.

Qyteti strehon rreth 25,000 banorë, dhe gjatë të dielës shumë janë detyruar të flenë jashtë në të ftohtin e acartë pasi thanë se kishin paralajmëruar autoritetet për javë e në disa raste muaj për çarje në ndërtesa dhe rrugë.

Në javët e fundit, janë raportuar çarje në më shumë se 600 shtëpi në Joshimath, duke bërë që autoritetet të zhvendosin banorët në vende më të sigurta, duke përfshirë hotele dhe bujtina, tha zyrtari qeveritar Himanshu Khurana.

M.Q./Shqiptarja.com

TAG:
• Indi