TIRANË- Në moshën 36-vjeçare, Klodiana Spahiu u bë deputete për herë të parë. Prej vitit 2009, ajo qëndroi në karrigen e ligjvënësve deri më sot, ku gjithashtu është nënkryetare e Kuvendit të Shqipërisë.
17 vite më pas, në moshën 53-vjeçare, Klodiana Spahiu merr postin më të lartë gjatë karrierës së saj politike; ministre e Shëndetësisë dhe Mirëqenies Sociale, me propozim të kryeministrit Edi Rama.
Lëvizja vjen pas dorëheqjes së Evis Salës, (më 2 shtator) ministres më jetëshkurtër të shëndetësisë të 4 mandateve të qeverisë Rama nga 2013-a, pa mbushur vitin në detyrë.
Klodiana Spahiu ka përfunduar studimet për mjekësi dhe ka mbajtur veshur bluzën e bardhë në klinikën e parë të kardiologjisë në QSUT. Ka punuar mjeke kardiologe në spitalin e Durrësit për 6 vite, spital që për pak muaj edhe e drejtoi.
Gjatë viteve të aktivitetit parlamentar, Klodiana Spahiu ka qenë pjesë e disa komisioneve dhe nënkomisioneve parlamentare, si dhe ka drejtuar apo qenë anëtare e grupeve të miqësisë.
Spahiu, ka një përvojë edhe në fushën e pedagogjisë. Ajo mban titullin “Doktore e Shkencave Mjekësore"
Evis Sala, e ardhur nga një karrierë e gjatë shkencore dhe mjekësore ndërkombëtare, njoftoi dorëheqjen e saj të mërkurën gjatë mbledhjes së qeverisë në kryeministri, ku tha se synon të vijojë me projektet e saj akademike.
Në një deklaratë publike më pas, ndau edhe mirënjohjen për kryeministrin për besimin që mori në drejtimin e një institucioni me sfida të mëdha, siç ajo theksoi
“Angazhimi im për Shqipërinë nuk lidhet me një detyrë apo me një institucion.”, u shpreh Sala.
Evis Sala pasoi në Ministrinë e Shëndetësisë, Albana Koçiun, sot zv/kryeministre, ndërsa nga 2013, këtë dikaster e kanë drejtuar edhe Ilir Beqaj dhe Ogerta Manastirliu.
Për të kaluar në karrigen e ministres, Klodiana Spahiu do të duhet të presë dekretin e emërimit nga presidenti Bajram Begaj, i cili del brenda 7 ditëve nga propozimi i kryeministrit. Spahiu do të marrë zyrtarisht detyrën pasi dekreti të votohet në Kuvend, e më tej të betohet para kreut të shtetit.
Lajme të tjera
-
Dorëheqja e Evis Salës si ministre e Shëndetësisë, reagon Rama: Dha kontributin e saj me përkushtim e profesionalizëm për programin e ri të reformave
2 Shtator, 16:35 -
Evis Sala reagon pas dorëheqjes: Kam pranuar angazhime në fushën time të ekspertizës! Mirënjohje Ramës për besimin
2 Shtator, 14:28 -
Mbledhja e qeverisë, Evis Sala dorëhiqet si ministre e Shëndetësisë: Do të vijoj projektet akademike! Rama: Faleminderit për shërbimin me profesionalizëm (VIDEO)
2 Shtator, 12:42 -
Vlorë, ngrihet qendra ditore e kimioterapisë! Sala: Zgjerojmë shërbimin onkologjik në 12 spitale, procesi përfundon brenda 2027-ës
29 Gusht, 12:27 -
Evis Sala përzgjidhet ndër 100 gratë më me ndikim në onkologji në botë
28 Gusht, 08:39 -
Pas 13 vitesh rikthehet trombektomia në QSUT, ndërhyrja jetëshpëtuese për goditjet në tru! Shërbimi 24 orë
27 Gusht, 10:55
-
Shqipëria do të ketë për herë të parë shërbimin e Geriatrisë, Sala nga Korça: Synojmë kujdes më të specializuar për të moshuarit
17 Gusht, 13:57 -
Zgjerohet shërbimi i imazherisë në spitalin ‘Shefqet Ndroqi’, mjekja: Së shpejti, do të pajisemi edhe me rezonancë magnetike (VIDEO)
14 Gusht, 10:20 -
300 pacientë me kancer në Korçë nuk do të kenë më nevojë të udhëtojnë drejt Tiranës për kimioterapi, Sala: Shërbimi po shkon pranë pacientit (VIDEO)
12 Gusht, 13:02 -
37 mijë pacientë në 7 muaj, Ministria e Shëndetësisë vlerëson punën e Infermierëve të Urgjencës së Traumës: Profesionalizëm dhe reagim i shpejtë
11 Gusht, 14:00 -
Qendrat shëndetësore verore, Ministria e Shëndetësisë: Shërbim 24/7 për pushuesit vendas e të huaj (VIDEO)
11 Gusht, 11:46 -
Punësim në sistemin shëndetësor, hapen aplikimet për teknikët e shkencave mjekësore! Afati deri më 24 gusht
10 Gusht, 09:05
Komente
Komento