Një operacion ndërkombëtar kundër terrorizmit I zhvilluar në 4 vende, Itali, Britaninë e Madhe, Norvegji e Finlandë ka përfunduar me arrestimin e 17 personave të dyshuar për lidhje terroriste.  Në mesin 17 personave të arrestuar, është dhe kosovari Eldin Hoxha.  Bashkë me të janë arrestuar në territorin italian dhe 6 personat të tjerë.

Ndërkohë, në Britani janë arrestuar 5 të dyshuar si terroristë, në Norvegji 4 dhe në Finlandë 1.

Nga hetimet policore, rezulton se kjo celulë xhihadiste po përgatiste atentatet terrorist në Itali. Gjatë një konference për shtyp u theksua se hetimet e operacionit “Jweb” kanë nisur që në vitin 2010 me identifikimin e një uebi xhihadist i drejtuar nga Mulla Krekar.

Sipas policisë italiane, ky sit synonte krijimin e një gjenerate të re xhihadiste kryesisht nga diaspora kurde në Europë, duke u shndërruar në një universitet virtual ne rekrutimin e personave të rinj në projektimin e atentateve terroriste në Norvegji, Itali e përgjithësisht në Europë.

Me fillimin e luftës në Siri, celula terroriste “Rawti Shax” u kthye në një rrjet rekrutimi luftëtarësh për Luftën e Shenjtë. Mes tyre dhe kosovari Eldin Hoxha të cilit iu financua udhëtimi drejt Sirisë. 

TERRORISTËT E ARRESTUAR NË ITALI
Eldin Hoxha
Abdul Rahman Nauroz
Hama Mahmoud Kaml
Abdula Salih Ali
Hasan Saman Jalal
Mohamad Fatah Goran
Jamal Ibrahim

TERRORISTËT E ARRESTUAR NË BRITANI
Aëat Wahab Hamasalih
Hamad Bakr
Rahim Zana
Abdul Rahman
Kadir Sharif

TERRORISTËT E ARRESTUAR NË NORVEGJI
Faraj Ahmad Najmuddin
Mullah Krekar
Tëana Karim Rahim
Fatah Kamil Jalal

TERRORISTËT E ARRESTUAR NË FINLANDÊ
Seddek Kadir Karim

Redaksia online
(shqiptarja.com)