VIDEO
...
“Expo Milano 2015”, panairi i famshëm ndërkombëtar, ka zgjedhur të shpalosë mesazhin e jetës përmes ushqimit dhe energjisë si dhe bashkëjetesës fetare pikërisht në bunkerin e nëndheshëm të regjimit diktatorial në Shqipëri, ndësa disa hapësira të veçanta të bunkerit 5 kate nën tokë i janë kushtuar një ekspozite për kete eveniment. Dhe ndryshe nga errësira dhe jeta nën tokë në bunker, ky mesazh i shpalosur në këtë ekspozitë flet për jetën mbi tokë: Ushqimin, energjinë dhe bashkëjetesën fetare.
Ambasadori italian në Shqipëri Massimo Gaiani, i cili organizoi së bashku përfaqësuesit e “Expo Milano 2015” workshopin me temë “Shqipëria drejt Expo Milano 2015” theksoi rëndësinë e këtij panairi për shkak të konsolidimit të dialogut mes vendeve pjesëmarrëse si dhe theksoi rëndësinë e prezantimit të këtij senari në bunker.
“Për të nisur një iniciativë të tillë nuk do të kishte vend më të mirë sesa ky bunker që simbolizonte pikërish mbylljen dhe izolimit dhe mosbesimit për të tjerët qofshin këta fqinjtë afërt ose jo. në ndryshim më nga expoja universale e cila është simboli më i mirë i hapjes të pjesëmarrjes të të gjitha vendeve në një sfidë të përbashkët në interes të të gjithë banorëve të planetit.”
Por çfarë do të promovojë Shqipëria në Expo Milano 2015?
Vendi ynë do të prezantohet me ushqimin në një pavion të posaçëm që do të reklamojë ushqimet tona tradicionale për 6 muaj me radhë. Ndërsa përbri këtij pavioni, një qendër informimi do të ofrojë aspektin tërheqës të vendit tonë, jo vetëm në turizëm por edhe për të thither investime. Në këtë panair Shqipëria të përfaqësohet nga Komisari i Përgjithshëm i Shqipërisë, drejtoresha e AIDA-s, Manjola Gjoni.
Panariti: Bunkeri, një varr i hapur për të gjallët. Ndryshe nga Enveri, ne zgjedhim jetën mbi tokë!
Me fjalët “ne kemi zgjedhur të jetojmë mbi tokë”, ministri i Bujqësisë Edmond Panariti zgjodhi të bëjë një krahasim mes qëllimit për të cilin ish-diktatori Enver Hoxha krijoi bunkerin e nëndheshëm antibërthamor, dhe qëllimit komplet të kundërt të Workshopit për Expo Milano 2015.
“Ky seminar bëhet në një vend të pazakontë, simbol të Luftës së Ftohtë, fobive e paranojave të komunizmit, në një varr të hapur për të gjallët, dhe ishte ndërtuar në logjikën që mbasi të shkretohej çdo gjë sipër të vazhdonte jeta nën tokë. Ne jemi për jetën mbi tokë, dhe pikërisht Expo Milano do të promovojë jetën me të gjithë pasurinë e saj. Kontrast si nata me ditën. Dita është Expo Milano dhe nata është këtu, errësirë e plotë se jemi nëntokë. Falenderoj zotin Bollino që na e mundësoi këtë eveniment në këtë simbol të errësirës i cili është një mesazh që i shkon brezave, që kurrë nuk mund të kthemni në një situatë të tillë shkretimi, paranojash, të denjë për një skenar filmi hollivudian, ashtu sikurse “The day after”. Ne kemi zgjedhur të jetojmë mbi tokë dhe të zhvillojmë bujqësinë”, tha ministri i Bujqësisë Edmond Panariti.
Panariti: Ku ka vend me te mire se ky panair per te promovuar vlerat e Shqiperise
Ministri i Bujqësisë dhe Administrit të Ujërave, Edmond Panariti tha se pjesmarrja në "Expo Milano 2015" është një mundësi e mirë për Shqipërinë për të promovuar vlerat e saj në fushën e ushqimit dhe energjisë, në një event të një rangu botëror.
“Do të shpalosim vlerat në prodhimet bujqësore, biodiversitetin e pasur të Shqipërisë, në burimet e pasura natyrore duke dhënë mesazhin e qëndrueshmërisë, e zhvillimit. Të gjitha këto vlera do të kenë një vitrinë të posaçme nën moton e ushqimit, energjisë dhe vazhdimësisë së jetës. Do të kemi një përfaqësim dinjitoz që do të promovojë potencialet e saj të traditës, kulturës, investimeve e turizmit”, u shpreh ministri Panariti.
Gaiani: Expo Milano mbledh te gjtiha vendet ne nje sfide te perbashket
Ambasadori i Italisë ne vendin tonë, Masimo Gaiani tha se të gjitha vendet pjesmarrëse në Expo Milano, vendosen përballë një sfide të përbashkët.
“Falenderoj përfaqësueti e rajonit të Siçilisë që kanë ardhur posaçërisht për këtë aktivitet dhe me inciativën tonë. Dua të bëj një falenderim të veçantë për Carlo Bollinon që ka ideuar këtë eveniment dhe “Spacio Eventi Albani” me administratorin e saj Francesko Milela, që e përktheu këtë ide në praktikë dhe gjithë bashkëpunëtorët e tyre për atë që kemi parë deri tani, këtë ekspozitë që na kthen pas në kohë. Falenderoj bankën Intesa San Paolo që na ka dhënë mbështetjen e saj në nisjen e kësaj aventure. Jam i kënaqur që po hap punimet e këtij workshop-i që prezanton ekspozitën e ardhshme të Milanos dhe fton pjesëmarrjen e Shqipërisë”, tha kryediplomati italian.
Lajme të tjera
-
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Mbahet tryeza e parë për Dokumentin Analitik, ekspertët zbulojnë gjetjet dhe rekomandimet për integritetin e administratës publike dhe konsolidimin e shërbimeve digjitale
4 Nëntor, 20:27 -
Një amnisti? A nuk rrezikon të rikonfirmojë 'de jure' dhe përfundimisht në postet e tyre politikanët e këtyre tridhjetë viteve?
29 Tetor, 16:05
-
'Mashkull, femër apo të tjera', OSBE flet për sondazhin: E konsultuam me Kuvendin
29 Tetor, 09:18
-
Fitorja e partisë proruse, Presidentja e Gjeorgjisë thotë se nuk e njeh rezultatin e zgjedhjeve
27 Tetor, 22:27 -
Ilir Yzeiri: Amnistia dhe sqarimi i (pa)nevojshëm i Bolinos
27 Tetor, 10:40
-
Carlo Bollino: Duhet një amnisti? Një sqarim për ata që e kritikojnë pa e lexuar (ose nuk duhet ta kuptojnë) pyetjen time
26 Tetor, 17:16
-
Carlo Bollino: SPAK dhe Amnisti: Një rrugë e mundshme për një drejtësi të pranueshme dhe paqe politike?
25 Tetor, 14:53
-
'Mashkull, femër apo të tjera, çfarë gjinie je?', Tritan Shehu denoncon 'sondazhin' e OSBE-së për deputetët: Fyes, refuzoj ta plotësoj
24 Tetor, 20:21 -
Prapaskenat e garës për sekretarin e Përgjithshëm të OSBE, Shqipëria me kandidaturën e Igli Hasanit mund rivalin turk! Si do zgjidhet në Vjenë
26 Shtator, 17:15 -
Carlo Bollino ironizon familjen Berisha: Përpara më etiketonin si ''fashisto-komunist'', tani jam ''peng'' por njëkohësisht edhe ''anëtar'' i SPAK!! Ata janë komplet në panik, i mirëkuptoj
20 Shtator, 12:27
