Fabrizio Corona nuk e ka imagjinuar kurrë se mund të festonte 40 vjetorin në burg.

Por nuk është aspak në humor për të festuar pasi është larg njerëzve që do, sidomos larg djalin të tij Carlos, i cili i mungon shumë.

Me anë të një letre në Novella2000 ai ka shkruar se “Ditëlindjet nuk festohen në burg”.

Do të jetë një ditë si të gjitha të tjerat për “mbretin” e paparacëve edhe pse shokët e tij të qelisë do të përgatisin një festë për të, me tortë dhe pjata të tjera të shijshme për ti larguar sadopak mendjen.

Më tej ai ka shkruar: “Carlo nga Amerika e Jugut, Iliri nga Shqipëria dhe marokenët Zaccaria, Anis dhe Joseph më kanë thënë se duan të bëjnë që unë të kaloj një ditë sa më të veçantë”, ka shkruar Corona.

Më tej ai ka theksuar se falë tyre do të mund ta ndjejë më pak mungesën e djalit të tij Carlos, për të cilën mendon më së shumti.

“Do të doja shumë të festoja edhe me të ditën e nesërme”, ka shkruar më tej Corona.  

(b.t/shqiptarja.com)