Sipas tabloidit përjavshëm Globe, Lady Diana nuk është vrarë në tunelin Alma në Paris, por në ambulancë. E përjavshmja e njohur përgjithësisht për publikimin e skandaleve të personave të famshëm, pohon se ka prova të cilat tregojnë se Diana u vra në ambulancë.

Revista pohon se këtë lajm e ka marrë nëpërmjet një detektivi i cili njeh gjithashtu identitetin e vrasësve.

Hipoteza e vrasjes së princeshës sigurisht nuk është e re, por gjatë këtyre viteve, dy pista të reja kanë çuar në përfundimin se ai që ka shkaktuar aksidentit e Lady Dianës, ka qenë pikërisht shoferi i saj Henri Paul, i cili po i jepte makinës nën efektin e alkoolit dhe ilaçeve.

Deklarata e Globe është surprizë, gjithsesi për të dhëna më të hollësishme ky version do të jetë në treg në numrin e radhës të gazetës javën e ardhme.

(ed.ka/Gre.M/Shqiptarja.com)