Hetimet për skandalin e fitimit të dy tenderave me dokumenta falso nga kompania “DH-Albania”, është shtrirë edhe në verifikimin e veprimeve që kanë kryer anëtarët e Komisionit të dhënies së Liçensave në Ministrinë e Transportit. Katër anëtarët e këtij komisioni që kanë dhënë liçensën për kompaninë “DH-Albania”, janë marë këtë javë në pyetje nga prokuroria e Tiranës. Të tre anëtarët kanë treguar përpara oficerëve të policisë Shpëtim Karakushi dhe Ludovik Ndoja, të gjithë procedurën dhe kriteret që janë plotësuar për paisjen me liçensë të kompanisë “DH-Albania”. Rezulton se “Shoqëria DH-ALBANIA, degë e shoqërisë së huaj, me kërkesën e saj të datës 13 korrik 2018, shoqëruar me dokumentacion përkatës, ka aplikuar për njehsimin e licencës së huaj, në fushën e zbatimit në ndërtim.
Por më datë 13 korrik, kur është bërë aplikimi, shoqëria “DH Albania” ishte ende inekzistente. Referuar Qendrës Kombëtare të Biznesit, data e saj e regjistrimit figuron 18 korriku 2018, me përfaqësues një 26 vjeçar të panjohur Avdjol Dobin. Prokurorët thonë se është e paqartë se si Sekretariati i Komisionit të Liçencave, ka nisur procedurat mbi një subjekt, që deri në atë momente nuk ekzistonte. Ndërsa nuk dihet sërisht se çfarë dokumetacioni, kompania ka paraqitur për t’u identifikuar si “DH Albania”, duke qenë se e ka patur të pamundur të dorëzojë një ekstrakt nga Qendra Kombëtare e Biznesit. Komisioni i Liçencave, drejtohet nga Gerta Lubonja, e emëruar me vendim të Këshillit të Ministrave, dhe ka në përbërjen e tij dhe tre drejtorë të Ministrisë së Infrastruktrës dhe Energjitikës. “DH Albania” është dhënë në mbledhjen e datës 30 Korrik 2018.
Gjykata “arrest në burg” për Dobin
Gjykata e Tiranës ka vendosur javën e shkuar masën e “arrestit në burg” në mungesë për Avdjol Dobin, 26-vjeçarin administrator të "DH-Albania", kompania e cila fitoi dy tenderë me vlerë 30 mln euro nga ARRSH dhe OST me dokumente të falsfikuara. Masa e sigurisë nga Gjykata është dhënë me kërkesë të prokurorisë. Avdjol Dobi është shpallur në kërkim policor që prej zbulimit të skandalit."DH-Albania" fitoi lotin e parë të "Unazës së Madhe" me vlerë 18 mln euro, pjesë e segmentit nga Pallati me Shigjeta deri te Sheshi Shqiponja. Ndërsa nga OST mori tenderin 12 mln euro për linjën 220 kË Burrel-Peshkopi.
Të dy tenderët e anuluan më pas. Dyshimet mbi Dobin bien se ka falsifikuar dhe ka përdorur më pas një vërtetim të lëshuar nga departamenti i shtetit të Delaëare në SHBA, ku tregohej se kompania offshore “Dunëell Haberman”, e cila pretendohet se është mëma e firmës shqiptare “DH-Albania”, nuk kishte detyrime financiare në SHBA dhe se vijonte aktivitetin në fushën e ndërtimit prej 20 vitesh. Ndërsa në të vërtetë rezultoi se “Dunëell Haberman” ishte regjistruar vetëm në korrik 2018 dhe jo në korrik 1998, siç dokumentohej në materialet e depozituara në QKR.
Anullimi i tenderave
Pas këtij skandali, Ministria e Infrastrukturës dhe Energjetikës zgjidhi kontratën me bashkimin e operatorëve “DH Albania” & “Biba X” si dhe kallëzoi penalisht kompaninë në Prokurorinë e Tiranës. Ndërsa ARRSH njoftoi rishpalljen e procedurave
garuese për lotin e parë të "Unazës së Madhe". Skandali i dy tenderëve solli shkarkimin e drejtorit të ARRSH, Afrim Qendro (Lexo këtu) dhe atij të OST, Klodian Gradeci. Të dy dëshmuan edhe në prokurori javën e kaluar, krahas edhe punonjësve të ARRSH-së dhe OST-së. Ata dhanë dëshmi lidhur me administrimin e dokumenteve nga komisioni i vlerësimit të tenderëve. Për këtë çështje vetë Avdjol Dobi, përpara se të shpallej në kërkim, është thirrur në muajin dhjetor 2018 në ambientet e ARRSH, ku gjatë një takimi me krerët e këtij institucioni, Dobi ka dalë garant dhe ka siguruar se dokumentet e përdorura për fitimin e tenderit janë origjinale.
Dobi ka pohuar gjithashtu se nëse nuk vërtetohet në vazhdim se dokumentet janë origjinale, ishte i gatshëm t’ia kalonte të gjithë shumën prej 1.8 milion euro të ngurtësuar në një llogari bankare, e cila rezulton të jetë fondi i garancisë, që kompania “DH-Albania” ka ngurtësuar për këtë projekt. Mirëpo, që nga shpallja në kërkim, pas mbërritjes së përgjigjes zyrtare nga autoritetet amerikane për falsifikimin e dokumenteve, Avdjol Dobi dyshohet se është arratisur jashtë vendit, edhe pse nuk figuron i regjistruar në sistemin TIMS.
Lajme të tjera
-
Kopshti i ri në Njësinë 10, Veliaj: Do buxhetojmë sërish për çerdhe dhe kopshte të reja! Revolucion edhe për ushqimin falas të nxënësve nëpër shkolla
25 Nëntor, 15:40 -
Më 31 dhjetor hapet plotësisht Unaza e Madhe! Bypass i Tiranës 'peng' i negociatave me BE
6 Nëntor, 15:21
-
Pamjet me dron/ Shikoni punimet e Unazës së madhe në Tiranë
2 Nëntor, 15:37 -
Unaza e Madhe e Tiranës do përfundojë brenda 2024-ës, në lotin e 6- të shpejtësia deri 140 km/orë
14 Tetor, 17:53 -
Vijojnë punimet për ndërtimin e Unazës së Madhe, projekti gati deri në fund të vitit
30 Shtator, 11:37 -
Unaza e Madhe, realizohen mbi 70% e punimeve në urën mbi lumin e Tiranës
20 Shtator, 08:54 -
Tiranë/ Aksidenti i trefishtë tek Unaza e Madhe, krijohet trafik i rënduar prej Kodrës së Diellit deri në Sauk
13 Gusht, 19:58 -
Punimet për ndërtimin e Unazës së Madhe të Tiranë, pamjet me dron! Rama: Krijon akses me çdo portë hyrëse dhe dalëse në kryeqytet
22 Korrik, 10:45 -
Denoncimi i grupit të Bashës: 6 vite për 300 metra rrugë në Unazën e Madhe të Tiranës, Balluku premtoi përfundimin e punimeve në shtator 2023
20 Qershor, 15:39 -
Unaza e Madhe, realizohen 55% e punimeve në urat mbi lumin e Tiranës (FOTO)
20 Qershor, 10:46 -
VIDEO/ Realizohen rreth 70% e punimeve në lotin e 7 të Unazës së Madhe
30 Maj, 11:45 -
Pamjet nga punimet në Unazën e Madhe të Tiranës, Rama: Përfundon në fund të këtij viti
8 Maj, 16:51
