Familja e Pavarotit ndalon Trump
të përdorë këngët e tij në fushatë

Familja e Luciano Pavarottit distancohet nga Donald Trump dhe në një komunikim të ashpër paralajmëron stafin e kandidatit republikan për president për Shtëpinë e Bardhë që të mos përdorë më zërin e tenorit për fushatat e tij.
 
Në një deklaratë të nënshkruar nga e veja Nicoletta Mantovani dhe Cristina e Giuliana Pavarotti thuhet: ‘’Ne kemi mësuar se aria ‘’Nessun dorma’’ e kënduar nga Luciano Pavarotti është përdorur si pjesë e kolonës zanore të fushatës elektorale të Donald Trump. Na përket ne familjarëve të rikujtojmë se vlerat e vllazërisë dhe solidaritetit që ka shprehur Pavarotti gjatë karrierës së tij janë të papajtueshme nga idetë që ka kandidati Trump. Ashtu si artisët e tjerë e kanë ndërmarrë këtë veprim personalisht, ne shprehim kundërshtinë tonë për këtë veprim’’.


Redaksia Online 
Al.N/Shqiptarja.com