Një 21 vjeçar është marrë peng nga tre persona familjarë të policit me detyrë trup shërbimi në seksionin e Forcës së Posaçme "Shqiponja".
Ngjarja u shënua në fshatin Ferras, Fier më 14 dhjetor 2023, ku tre familjarët e efektivit kanë ndaluar automjetin me të cilin udhëtonte i riu dhe më pas e kanë marrë me forcë për 3 orë duke ia dëmtuar dhe makinën.
"Nga veprimet hetimore rezultoi se autorët, për shkak të një debati që kanë pasur para 2 ditësh, për motive të dobëta, me kushëririn e shtetasit H. T., 21 vjeç, kanë ndaluar automjetin me të cilin ky shtetas po udhëtonte, e kanë dëmtuar atë dhe e kanë marrë me forcë për rreth 3 orë" informoi sot policia e Fierit.
Report Tv mëson emrin e 21 vjeçarit të marrë peng është Hristo Tahiraj
Efektivi i Shqiponjave, Gestian Ymeraj 31 vjeç, u arrestua dje (15 dhjetor) pasi akuzohet se ka pasur dijeni për ngjarjen por nuk ka bërë denoncimin.
Nga kryerja e veprimeve hetimore rezultoi se punonjësi i policisë G. Y., 31 vjeç, banues në Fier, me detyrë trup shërbimi në seksionin e Forcës së Posaçme "Shqiponja", ka pasur dijeni për ngjarjen por nuk ka njoftuar strukturat e Policisë, për të cilin u bë arrestimi në flagrancë për veprat penale "Moskallëzimi i krimit" dhe "Shpërdorimi i detyrës".
Të arrestuarit janë Kejvi Brahimllari, 26 vjeç, Elisiano Abazaj, 25 vjeç ndërsa bashkëpunëtori i tretë, A. Z., 32 vjeç, është shpallur në kërkim. Të tre të rinjtë janë nga Fieri ndërsa personi që kanë marrë peng është nga Mallakastra.
Ata akuzohen për "Heqja e paligjshme e lirisë", "Shkatërrimi i pronës" dhe "Vjedhja me dhunë" të kryera në bashkëpunim.
Ndërsa efektivi i Forcave 'Shqiponja' u arrestua nga Agjencia e Mbikqyrjes Policore për veprat penale "Moskallëzimi i krimit" dhe "Shpërdorimi i detyrës".
Policia thotë se u sekuestrua automjeti me të cilën autorët morën me forcë 21-vjeçarin si edhe automjeti me të cilin udhëtonte 21-vjeçari, të cilin autorët e kishin marrë dhe fshehur në fshatin Ferras.
Report Tv ka siguruar emrat e 2 prej personave të arrestuar për pengmarrjen e 21 vjeçarit Hristo Tahiraj në fshatin “Ferras” të Fierit.
Mësohet se në pranga kanë rënë Kejvi Brahimllari dhe Elisjano Abazaj të cilët kanë marrë peng për 3 orë të riun dhe e kanë dhunuar. Në kërkim është shpallur A.Z. Ndërsa është arrestuar edhe efektivi i forcave “Shqiponja”, Gestian Ymeraj pasi nuk ka kallëzuar në polici rastin ku autorët rezultojnë të jenë familjarë të tij.
Komente
Lajme të tjera
-
Banorët e Roskovecit kundër ndërtimit të termocentralit: Qeveria të anulojë lejen, shkakton ndotje e sëmundje! Lejen për TEC-in e 'Gener 2' e dha Balluku
26 Dhjetor, 12:12 -
Festa e Krishtlindjes në Lushnjë, mbahet mesha në Kishën e Shën Gjergjit
25 Dhjetor, 10:38 -
Lushnjë/ Mbahet mesha e shenjtë e Krishtlindjeve në Kishën Katolike ‘Pjetri dhe Pali’, marrin pjesë besimtarë të shumtë
24 Dhjetor, 21:51 -
Miratohet buxheti i bashkisë së Fierit, këshilltarët e opozitës bashkojnë votat me PS-në
24 Dhjetor, 15:26
-
Fier/ Përplasen 2 automjetet ‘Benz’ në Levan-Tepelenë, 4 persona përfundojnë të plagosur në spital (VIDEO)
23 Dhjetor, 20:31 -
Moti i keq në Fier, reshjet intensive lënë pa energji elektrike Libofshën dhe rrethinat e saj
23 Dhjetor, 16:29 -
Moti i keq, Fieri përfshihet nga rrebeshet e shiut me erëra të forta! Vështirësohet qarkullimi, probleme me energjinë në Frakull
23 Dhjetor, 10:27 -
Aksident në aksin Fier- Lushnjë/ Makina e forcave ‘Shqiponja’ përplaset me barrierën ndarëse (VIDEO)
22 Dhjetor, 12:23 -
3 muaj në qelinë 6 në Fier, Salianji reagon për mandarinat me pesticide: Vidhen fondet e BE, fermeri në mëshirë të fatit
21 Dhjetor, 12:00 -
Fier/ Morën zhavorr në Lumin e Vjosës, Prokuroria dërgon për gjykim 3 persona
21 Dhjetor, 10:31 -
‘Bankers’ investoi 10 milionë USD për komunitetin në 15 vite! Xiao: Përmirësojmë jetën e banorëve në Patos-Marinzë
20 Dhjetor, 17:17 -
Aksident në Lushnjë, një shofer i plagosur nga karambolimi i dy mjeteve! Shkak dyshohet shpejtësia e veturës
20 Dhjetor, 14:26
ME DUKET MUA APO ASNJERI NGA TE ARESTUARIT NUKA KA MBIEMRIN E POLICIT..... SHUME DO ISHTE PER VLLA A MOTER POR ME MBAJT PERGJEGJSI DHE PER KUSHURINJT SI NKOH TA LARGQOFTIT.... KUJA ZEZ....
Përgjigju